“მიუხედავად წერილობითი და ზეპირი განცხადებებისა, ზეწოლის ფაქტებზე კომისიას რეაგირება არ მოუხდენია” – მამუკა ტუსკაძე
“მიუხედავად წერილობითი და ზეპირი განცხადებებისა, რომელიც მე გავაკეთე, ჩემზე, როგორც საარჩევნო სუბიექტზე, განხორციელებულ ზეწოლის ფაქტებს კომისიის მხრიდან არანაირი რეაგირება არ მოჰყოლია” – ამის შესახებ პოლიტიკური მოძრაობა “სოციალური სამართლიანობისთვის” ლიდერმა მამუკა ტუსკაძემ უწყებათაშორისი კომისიის სხდომის დასრულების შემდეგ განაცხადა. მისივე თქმით, კომისიას მის მიერ გაჟღერებულ სხვა დარღვევებზეც არ უმჯელია.
“კომისია არ დაინტერესებულა იმ ფინანსების უკანონოდ დაყადაღების საკითხით, რომლითაც უნდა დაფინანსებულიყო ჩემი პოლიტიკური ორგანიზაცია. ასევე სხდომაზე არ განხილულა ჩემი განყოფილებაში დაყოვნების შემთხვევა, რის გამოც ხელი შემეშალა წინასაარჩვენო კამპანიის ფარგლებში მოსახლეობასთან შეხვედრაში. კომისიამ მომისმინა, თუმცა მათგან არანაირი რეაგირება არ ყოფილა.”
პარტიის ლიდერი კომისიის მუშაობით უკმაყოფილოა და არ გამორიცხავს, რომ სხვა პოლიტიკური პარტიების მსგავსად, მას ბოიკოტი გამოუცხადოს.
“თუ კომისიამ არ შეცვალა მუშაობის ფორმატი და არ დაიტვირთა უფრო მნიშვნელოვანი ფუნქციებით, ისევე, როგორც მთავარი ოპოზიციური პარტიები, ახალი პოლიტიკური ძალები, რომლებსაც იმედი ჰქონდათ მისი ეფექტურობის, შეწყვეტენ კომისიასთან თანამშრომლობას და გადავლენ ბოიკოტის რეჟიმში. სულ ორი სხდომაა დარჩენილი და იმედი მაქვს, რომ კომისია მიიღებს შესაბამის გადაწყვეტილებებს,სხვანაირად ის ხდება ფარატინა ჯგუფი, რომელიც მხოლოდ ტყუილი ანგარიშების მოსმენით არის დაკავებული. თუ ეს ასე არ მოხდა, ჩვენც დავტოვებთ კომისიას,” – განაცხადა მამუკა ტუსკაძემ.
(NS)
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი