"სააკაშვილისა და გუბაზისეული სცენარით მაიკ პომპეოს დახვედრა საქართველოსთვის კიდევ ერთი დარტყმის მიყენების მცდელობა იქნება"
სააკაშვილისა და გუბაზისეული სცენარით მაიკ პომპეოს დახვედრა, საქართველოსთვის კიდევ ერთი დარტყმის მიყენების მცდელობა იქნება, – ასე გამოეხმაურა პარლამენტის პირველი ვიცე-სპიკერი გია ვოლსკი საქართველოს ყოფილი პრეზიდენტის განცხადებას, რომლის თანახმად, პომპეოს საქართველოში ჩამოსვლის დღეს „ხალხის მასობრივი მობილიზაცია უნდა იყოს“.
ვოლსკის შეფასებით, სააკაშვილს ქვეყნის დესტაბილიზაციის გამოწვევი ჩანაფიქრები აქვს.
„მიხეილ სააკაშვილი ხიბლის ცოდვით არის შეპყრობილი და კიდევ სხვა ისეთი ჩანაფიქრები აქვს, რაც ქვეყნის დესტაბილიზაციას გამოიწვევს. როცა ხიბლზე ვსაუბრობთ, მოუსმინეთ, რას ამბობს მისი და ჯო ბაიდენის ურთიერთობაზე, თურმე, ობამაც მისი დახმარებით აირჩიეს ამერიკის პრეზიდენტის პოსტზე. ღურბელ-ღრუბელ და გვირაბებით სიარულს რომ თავი დავანებოთ, მას ისეთი შეგრძნება აქვს, რომ ის არის ლიდერი იმ პოლიტიკური ძალის, რომელსაც შეუძლია, დაანგრიოს. რასაკვირველია, თავის ფიქრებს კონკრეტულ განცხადებებად თარგმნის, მაგრამ ეს ფიქრები არ უკავშირდება საქართველოს ხვალინდელ დღეს და მის სტაბილურობას. ვფიქრობ, სააკაშვილისა და გუბაზისეული სცენარით მაიკ პომპეოს დახვედრა, საქართველოსთვის კიდევ ერთი დარტყმის მიყენების მცდელობა იქნება, როგორც მცდელობა ჰქონდათ იმის, რომ როგორმე საქართველოსთვის სანქციები დაეწესებინათ“, – განაცხადა ვოლსკიმ.
სიახლეები
- "რუსეთი უარყოფს ცეცხლის შეწყვეტის მრავალრიცხოვან მოთხოვნას და ჯერ არ განუსაზღვრავს, როდის შეაჩერებს მკვლელობებს, ეს ართულებს ვითარებას" -ვოლოდიმირ ზელენსკი
- 17 აგვისტოს ასტროლოგიური პროგნოზი
- "10 წლის წინ „ქართულმა ოცნებამ“ დაპირება გასცა, რომ წყალტუბოში 5-ვარსკვლავიან სასტუმროს გააკეთებდნენ, თუმცა აქ კვლავაც „ქოცური“ ნანგრევებია" - გრიგოლ გეგელია
- რა დათმობაზე შეიძლება წავიდეს პუტინი - “თუ მოლაპარაკება უშედეგოდ დასრულდა, ეს ტრამპისთვის პოლიტიკურად დამღუპველი იქნება”
- "პუტინი ჭკვიანი კაცია, კარგად ვუგებთ ერთმანეთს, შეიძლება, შეხვედრაზე რაღაცას მივაღწიოთ" - დონალდ ტრამპი
