როგორც ცნობილია ბოლო პერიოდში იცემა მშვილდაძე, ბერძენიშვილი, ჯაფარიძე, ქუთელია და ამ სიას პარლამენტის წევრები შეიძლება შეემატონ და ბევრია კიდევ საცემი, და მიზეზი რა არის ბატონო პრემიერ-მინისტრო?! - ამის შესახებ პარლამენტის პლენარულ სხდომაზე, სადაც პრემიერ მინისტრს ირაკლი ღარიბაშვილს უსმენენ „ევროპელი სოციალისტების" დეპუტატმა ფრიდონ ინჯიამ განაცხადა.
ბატონი რიჟვაძე რომ გამოვიდა ამასწინ და თქვა, 2008-ში ომი ლაჩრულად წავაგეთო და ყველას - მებრძოლებს და დაღუპულებს რომ შეურაცხყოფა მიაყენა, ერთი საჯარო შენიშვნა რატომ არ უთხარით? ან თვითონ როგორ არ განმარტა ადამიანურად და ერთი ბოდიში როგორ ვერ ამოღერღა? - ასე მიმართა პარტია „მოქალაქეების“ დეპუტატმა, ალეკო ელისაშვილმა საქართველოს პრემიერ-მინისტრს პარლამენტის პლენარულ სხდომაზე, სადაც ირაკლი ღარიბაშვილმა მთავრობის წლიური ანგარიში წარადგინა.
ძალიან დიდი შეცდომა იქნა დაშვებული შარშან, ჩვენი ევროპელი მეგობრების მხრიდან, როცა საქართველოს არ მიეცა სტატუსი და მიენიჭა მოლდოვას და უკრაინას ბონუსად, ანუ ავანსად, იმის მიუხედავად, რომ ჩვენ ყველა პარამეტრით, ყველა მონაცემით წინ ვუსწრებდით და ვუსწრებთ დღესაც მოლდოვას, უკრაინას, ამის შესახებ საქართველოს პრემიერ-მინისტრმა ირაკლი ღარიბაშვილმა პარლამენტში, წლიური ანგარიშის წარდგენისას განაცხადა.
მიმდინარე წლის აპრილში ეროვნული ბანკის ოფიციალურმა სარეზერვო აქტივებმა ისტორიულ მაქსიმუმს - 5.1 მილიარდ დოლარს მიაღწია, - ამის შესახებ საქართველოს პრემიერ-მინისტრმა ირაკლი ღარიბაშვილმა პარლამენტში, წლიური ანგარიშის წარდგენისას განაცხადა.
ძალიან რთულ ვითარებაში გვიწევს მუშაობა, იცვლება წესებზე დაფუძნებული საერთაშორისო წესრიგი და რეალურად, ბირთვული იარაღის გამოყენების საფრთხე არის რეალური, – ამის შესახებ საქართველოს პრემიერ-მინისტრმა, ირაკლი ღარიბაშვილმა პარლამენტში წლიური ანგარიშის წარდგენისას განაცხადა.
საქართველოს პარლამენტის თავმჯდომარე შალვა პაპუაშვილი ღია წერილს აქვეყნებს.
