ფაქტობრივად, ცივილიზებულმა ევროპამ, ამერიკის შეერთებულმა შტატებმა და დასავლეთმა, ზურგი აქცია ანაკლიის პორტის პროექტს - ანაკლია გადააქციეთ ჩინური ტვირთის გამტარად,- ამის შესახებ ოპოზიციონერმა დეპუტატმა რომან გოცირიძემ პარლამენტის პლენარულ სხდომაზე განაცხადა, სადაც ეკონომიკის მინისტრს ლევან დავითაშვილს ინტერპელაციის წესით, ანაკლიის პორტის მშენებლობის პროექტზე უსმენენ.
ბადრი ჯაფარიძე და მამუკა ხაზარაძე არ იყვნენ საქართველოს მოქალაქეები მაშინ?! ახლა ფარცხალაძის გამო მთელი მთავრობა, ხელისუფლება და სახელისუფლებო სისტემა ავარდით ჰაერში და ჩამოვარდით იქიდან, რომ საქართველოს მოქალაქეს ანგარიში არ გავუყინოთ ძალაში შესული განაჩენის გარეშეო, - ასე მიმართა პარტია „ლელოს“ ერთ-ერთმა ლიდერმა დეპუტატმა დავით უსუფაშვილმა პარლამენტის პლენარულ სხდომაზე დამსწრე კოლეგებს.
ეროვნული ბანკი გაუქმებულია, არსებობს ბიძინა ივანიშვილის ორი ბანკი: „ქართუ" და მეორე ეროვნული ბანკი, - ამის შესახებ „ლელოს“ დეპუტატმა სალომე სამადაშვილმა განაცხადა.
ოპოზიციონერი პოლიტიკოსები და „ენჯეოები“ ერთგულები არიან არა საქართველოსი, არამედ სხვა ქვეყნების. სხვა ქვეყნის ჰიმნს მღერიან, სხვა დროშაზე იფიცებიან, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.
საქართველოში რომ აღუდგა ოთარ ფარცხალაძეს საბანკო ანგარიშებზე წვდომა, კარგ შედეგს არ გამოიტანს. ჩვენ დაუსახლებელ კუნძულზე ხომ არ ვცხოვრობთ, ჩვენ უნდა ვმონაწილეობდეთ მსოფლიო პროცესებში,- ამის შესახებ საქართველოს ყოფილი პრეზიდენტის, მიხეილ სააკაშვილის დედამ, გიული ალასანიამ ჟურნალისტებს პარლამენტთან აქციაზე განუცხადა.
ლარის კურსთან მიმართებით პანიკის საფუძველი, დღეის მდგომარეობით, არ არსებობს - ეროვნული ბანკის ბრძანებას პირდაპირი შედეგი დღეს და ხვალ არ მოჰყვება, შენელებული მოქმედების ნაღმზე ვსხედვართ, მაგრამ ამ ნაღმის დეტონაციის რისკი დღეს არ არის, - ამის შესახებ პოლიტოლოგმა გია ხუხაშვილმა განაცხადა.
