გვაქვს ნომერ პირველი ეკონომიკური ზრდის მაჩვენებელი მთლიანად ევროპის კონტინენტზე და ჩვენს რეგიონში. რა თქმა უნდა, ამით შეშფოთებულები არიან არაკეთილმოსურნეები და ისინი როგორც აკოორდინირებენ ხოლმე სხვა კამპანიებს, ზუსტად ასევე აკეთებენ იმავეს. მინდა შეგახსენოთ, რომ ფართო სპექტრი ჩართეს ამ კამპანიაში და საინტერესოა ერთი დეტალი, რაც კოორდინაციას კარგად აჩვენებს – კამპანია დააწყებინეს ,,ლელოს” და შემდეგ გაწიეს ამ კამპანიიდან, – ამის შესახებ საქართველოს პრემიერ-მინისტრმა, ირაკლი კობახიძემ, ,,იგლ ჰილსის” ინვესტიციის წინააღმდეგ წარმოებულ კამპანიაზე საუბრისას, გადაცემაში ,,აქტუალური თემა – მაკა ცინცაძესთან ერთად” განაცხადა.
,,თუ ევროკავშირი არასწორად იქცევა და ამასთან დაკავშირებით ამერიკის შეერთებულ შტატებს შეუძლია, რომ გააკრიტიკოს და ყველაფერი საჯაროდ გამოიტანოს, საქართველოსაც აქვს ამის უფლება”- ამის შესახებ პარლამენტის თავმჯდომარის მოადგილემ, ნინო წილოსანმა კაია კალასის განცხადებაზე საუბრისას განაცხადა.
„ოცნებაში“ კარგად იციან, რომ დროებითი საგამოძიებო კომისია, რომელიც პროტესტანტების წინააღმდეგ ქიმიური ნივთიერებების გამოყენების გამოძიებას შეეხება, ბუნებრივად მოგვიყვანს საკითხზე, თუ ვინ გასცა 20 ივნისს რეზინის ტყვიების გამოყენების ბრძანება - „ოცნება“ ამ ინიციატივას ეწინააღმდეგება, რადგან სიმართლის დადგენა არ სურთ, - ამის შესახებ პარტია „გახარია საქართველოსთვის" დეპუტატმა, გიორგი შარაშიძემ ჟურნალისტებთან განაცხადა.
პარლამენტის თავმჯდომარე, შალვა პაპუაშვილი გაფართოების საკითხებში ევროკომისარ, მარტა კოსის განცხადებას გამოეხმაურა.
,,სრულიად ვეთანხმები, რომ ოპოზიციური ფლანგი დღეს „ნაციონალური მოძრაობის“ გარშემო ტრიალებს. ეს ასეა”, – ამის შესახებ პარლამენტის თავმჯდომარემ განაცხადა.
,,ბევრ ადამიანს მართვის მოწმობა შემოსავლის წყაროსთვის სჭირდებოდა, ეს ინიციატივა კი მათ ამის შესაძლებლობას დაუბრუნებს,”- ამის შესახებ საქართველოს პარლამენტის თავმჯდომარემ შალვა პაპუაშვილმა ჩამორთმეულ მართვის მოწმობებზე ფართომასშტაბიან ამნისტიასთან დაკავშირებით განაცხადა.
