,,იქნებოდა ეს ჩვენი ექსტრემისტი ოპოზიცია, მასთან დაკავშირებული ე.წ. არასამთავრობო ორგანიზაციები, თუ მათი მოკავშირე უცხო ქვეყნის დეპუტატები, ვინც ხმაურობდა, მათ ყველას სურდა და გადაწყვეტილიც ჰქონდათ, რომ ჩვენი დელეგაციის უფლებამოსილება არ ყოფილიყო აღიარებული”, – ამის შესახებ პარლამენტის ვიცე-სპიკერმა, თეა წულუკიანმა ევროსაბჭოს საპარლამენტო ასამბლეის სესიაში მონაწილეობასა და იქ მიღებულ რეზოლუციაზე საუბრისას გადაცემაში „იმედის კვირა“ განაცხადა.
,,მკვლელი „ნაცები“ გვამუნათებენ ჩვენ პოლიციელის მიერ ძალის გამოყენებაზე, ის ხალხი, რომელიც უშუალოდ კლავდა. ამიტომ ვერ მივიღებთ მათგან ვერანაირ შენიშვნას”,- ამის შესახებ “ქართული ოცნების“ აღმასრულებელმა მდივანმა, მამუკა მდინარაძემ განაცხადა.
ჩემი აზრით, ყველაფერი უნდა გადაიკეტოს, რაც რეჟიმს აცოცხლებს - ეს სისხლის სამართლის დანაშაული კი არ არის, [არამედ] ეს არის ქვეყნის დამოუკიდებლობისთვის ბრძოლა, - ამის შესახებ კოალიცია „ცვილებისთვის“ ერთ-ერთმა ლიდერმა, ნიკა გვარამიამ თბილისის გასასვლელთან მიმდინარე აქციაზე განაცხადა.
მზად ვართ, აბსოლუტურად ღია ვართ თანამშრომლობისთვის ევროსაბჭოსთან, მათ შორის, გენერალურ მდივანთან, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა.
დღევანდელი ბრძოლა სწორედ იმისკენაა მიმართული, რომ „ქართულ ოცნებას“ არ მივცეთ საშუალება, წაგვიყვანოს იქ, სადაც თვითონ უნდა წასვლა. მარტო წავიდეს - როდესაც პროტესტს სახე და სახელი აქვს, ეს ძალიან ძლიერი იარაღია და ამ იარაღს მზია ამაღლობელი ჰქვია, - ამის შესახებ საქართველოს მეხუთე პრეზიდენტმა სალომე ზურაბიშვილმა „ბათუმელებთან“ ინტერვიუში განაცხადა.
მინდა საზოგადოებამ გაიგოს, ეს ქალბატონი იმ დღეს შემჩნეული იყო, რომ უცენზურო სტიკერებს აკრავდა ზურგზე პოლიციელებს. ამის შემდეგ, ხელწერილით გამოუშვეს. ზუსტად ნახევარ საათში ჩაიდინა ის აღმაშფოთებელი ქმედება, რომ სახეში გაარტყა პოლიციელს და ამას მოჰყვა ადეკვატური რეაგირება შესაბამისი უწყებების მხრიდან, - ამის შესახებ საპარლამენტო უმრავლესობის წევრმა ირაკლი ზარქუამ „ბათუმელების“ დამფუძნებელ მზია ამაღლობელის საქმესთან დაკავშირებით საუბრისას განაცხადა.
