საფრანგეთის პრეზიდენტის, ემანუელ მაკრონის განცხადებით, ულტრამემარჯვენე პარტია „ნაციონალური გაერთიანება“ და მემარცხენე კოალიცია „ახალი სახალხო ფრონტი“ ქვეყანაში სამოქალაქო ომის საფრთხეს ქმნიან.
უკრაინაში წარმოებული ომის გამო რუსეთისადმი ევროკავშირის მიერ დაწესებული სანქციების მე-14 პაკეტი ეკონომიკურ და ინდივიდუალურ სანქციებს მოიცავს. როგორც ევროკომისიის განცხადებაშია ნათქვამი, ახალი ზომები მიმართულია როგორც რუსეთის ეკონომიკის, ენერგეტიკისა და ვაჭრობის სექტორებზე, ასევე კიდევ უფრო გაართულებს ევროკავშირის მიერ აქამდე დაწესებული სანქციების გვერდის ავლას.
უკრაინის პრეზიდენტის, ვოლოდიმირ ზელენსკის განცხადებით, რუსულმა ძალებმა ივნისში უკრაინაში 2 400-ზე მეტი მართვადი საჰაერო ბომბი გამოიყენეს, აქედან დაახლოებით 700 - ხარკოვის ოლქში.
სავიზო ცენტრების დახურვის შემთხვევაში რუსეთი აშშ-ს ადეკვატურ პასუხს გასცემს, - ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა.
მედიის ინფორმაციით, პაკისტანში ტურისტი ყურანის შეურაცხყოფის გამო ლინჩის წესით გაასამართლეს. ის ადგილობრივებმა პოლიციის განყოფილებიდან გაიტაცეს, სადაც სამართალდამცველებს უსაფრთხოების მიზნით ჰყავდათ გადაყვანილი. შედეგად, ტურისტი დაიღუპა.
თურქეთის სამხრეთ რეგიონში მასშტაბურ ხანძარს მსხვერპლი მოჰყვა. დაღუპულია, სულ მცირე, ხუთი და დაშავებულია 44 ადამიანი. დაშავებულთაგან ათის მდგომარეობა კრიტიკულად მძიმეა. ინფორმაციას „დოიჩე ველე“ავრცელებს.
