დაკავებულია კუდ-ის ყოფილი უფროსი რუსლან შამახია
შინაგან საქმეთა სამინისტრომ დაადასტურა, რომ დაკავებულია სამეგრელო-ზემო სვანეთის კონსტიტუციური უსაფრთხოების დეპარტამენტის (კუდი) ყოფილი უფროსი, რუსლან შამახია.
შს მინისტრის მოადგილის, ალექსანდრე დარახველიძის თქმით, გამოძიება მიმდინარეობს 236-ე მუხლით, რაც იარაღის უკანონო შეძენა-შენახვას გულისხმობს.
უკავშირდება თუ არა შამახიას დაკავება 4 ოქტომბრის აქციას, ამის შესახებ დამატებითი განმარტებები უწყებაში არ გაუკეთებიათ.
შს სამინისტრო რუსლან შამახიას საქმიანობით 2021 წლის ადგილობრივია არჩევნების დროსაც დაინტერესდა, როცა კუდ-ის ყოფილი თანამშრომელი გამოკითხვაზე დაიბარეს, ის კი გაჩხრიკეს და მისი კუთვნილი იარაღი წაიღეს. მაშინ ითქვა, რომ რუსლან შამახიას, როგორც თადარიგის ოფიცერს, ჰქონდა იარაღის შენახვა-ტარების უფლება, პოლიციის მიერ ამოღებული იარაღი კი სწორედ მის სახელზე იყო რეგისტრირებული.
შსს-ს ცნობით, 4 ოქტომბრის აქციასთან დაკავშირებით დაკავებული არიან: პაატა ბურჭულაძე, მურთაზ ზოდელავა, ირაკლი ნადირაძე, პაატა მანჯგალაძე და ლაშა ბერიძე.
სიახლეები
- “საკმარისი არ არის იმის ჩვენება, რატომ უნდა ჩამოსცილდეს „ოცნება“ ხელისუფლებას, გვჭირდება დემონსტრაციაც, რა შეიცვლება ამის შემდეგ და იმისაც, რომ გვყავს პოლიტიკოსები, რომლებიც ამ ცვლილებების გაძღოლას შეძლებენ - ბრძოლა გრძელდება” - ლევან ცუცქირიძე
- სენი „კოლექტიური ნაცმოძრაობა“ უნდა მოვიშოროთ, იგულისხმება შესაბამისი პარტიები, უცხოელი აგენტები, სააკაშვილის ოჯახის მიერ მიტაცებული უნივერსიტეტი, ორგანიზაციები, „ფარი“, „ერთობა“ - ირაკლი კობახიძე
- მერაბ დვალიშვილმა კორი სენდჰეგენი დაამარცხა და UFC-ს საჩემპიონო ქამარი შეინარჩუნა
- არჩევნების პირველადი შედეგებით, ყველა მუნიციპალიტეტში “ქართული ოცნება” იმარჯვებს
- “ოპონენტებმა დაიწყეთ არჩევნებისთვის მზადება უკვე დღეიდან – მათ, ვინც თავისუფლებაზე დარჩებით და პარტიაც კვლავ გექნებათ, რასაკვირველია; ბაჩო ახალაიას დასაღვრელი სისხლი არ აქვს საქართველოს” – თეა წულუკიანი
