ჩვენ ვმუშაობთ, რათა დავეხმაროთ პარტნიორებს, გააკეთონ გარკვეული დასკვნები ნატო-ს მომავალი სამიტის შეხვედრისთვის. ჩვენ გვსურს, რომ ყველა გადაწყვეტილება სამიტზე იყოს მიღებული, – ამის შესახებ უკრაინის პრეზიდენტმა, ვოლოდიმირ ზელენსკიმ „ეიბისისთან“ ინტერვიუში განაცხადა.
ქრისტიანობა არ არის განსხვავებულად მოაზროვნე და ცხოვრების წესის მქონე ადამიანების დარბევა და ლინჩის წესით ქვებით განადგურება - კარგი იქნებოდა ორგანიზატორებს „კოკა-კოლებთან“ ერთად წიგნებიც ჰქონოდათ, მათ შორის სახარება, იქნება ამ ადამიანებს წაეკითხათ, დარწმუნებული ვარ 99%-ს სახარება წაკითხული არ აქვს , - ამის შესახებ "სტრატეგია აღმაშენებლის" დეპუტატმა პაატა მანჯგალაძემ „პრაიდ ფესტივალის“ ირგვლივ განვითარებულ მოვლენებზე საუბრისას განაცხადა.
ევროკავშირის წარმომადგენლობა მწუხარებას გამოხატავს Tbilisi Pride-ის ფესტივალის გაუქმების გამო. გულდასაწყვეტია იმის დანახვა, რომ უსაფრთხოება და შეკრების თავისუფლება ვერ იყო უზრუნველყოფილი , - ამის შესახებ საქართველოში ევროკავშირის წარმომადგენლობის განცხადებაშია აღნიშნული.
მიხეილ სააკაშვილმა ჩაიდინა დანაშაული ქართველი ხალხის წინააღმდეგ. მაშინ, როდესაც ის იყო ამ ქვეყნის პრეზიდენტი და მოქალაქე. ახლა ის არც პრეზიდენტია და არც მოქალაქე, - ამის შესახებ პარლამენტის თავმჯდომარე, შალვა პაპუაშვილმა „ქრონიკაში“ განაცხადა.
საქართველოს ეროვნული ბანკის მიერ გამოქვეყნებული მონაცემების თანახმად, 8 ივლისისთვის ერთი ამერიკული დოლარი 2.5930 ლარი ეღირება, ევრო – 2.8248 ლარი, ხოლო ბრიტანული გირვანქა სტერლინგი – 3.3100 ლარი.
ქუთაისის მუნიციპალიტეტის საკრებულომ რიგგარეშე მე-9 სხდომა გამართა, სადაც დღის წესრიგით წარმოდგენილი საკითხები იქნა დამტკიცებული.
სხდომას საკრებულოს თავმჯდომარე, ირაკლი შენგელია უძღვებოდა.
მიღებული გადაწყვეტილებით წარმომადგენლობითმა ორგანომ მხარი დაუჭირა, მერიის პირველადი სტრუქტურული ერთეულის – შიდა აუდიტის სამსახურის დებულებაში ცვლილების შეტანას.
ცვლილება ემყარება, 2010 წლის 30 ივლისის საქართველოს მთავრობის №1015 განკარგულებას. რომლის შედეგადაც, შიდა აუდიტის სუბიექტის უფროსმა პერიოდულად უნდა განიხილოს, შიდა აუდიტის დებულება და მასში შესაბამისი ცვლილების განხორციელების მიზნით, წინადადებები დაწესებულების ხელმძღვანელს წარუდგინოს.
ვინაიდან, შიდა აუდიტი აფასებს ფინანსური მართვისა და კონტროლის სისტემას, რისკების მართვის ეფექტიანობას და გასცემს რეკომენდაციებს მათი გაუმჯობესების მიზნით, დაგეგმილია სამსახურში ჩამოყალიბდეს შიდა აუდიტისა და გაცემული რეკომენდაციების მონიტორინგის განყოფილებები.
ცვლილება შევიდა საპრივატიზაციო ობიექტების გეგმასა და ნუსხაში, რომლის თანახმადაც შეიცვალა იმ ობიექტების ჩამონათვალი, რომელიც სახელმწიფო ბალანსზე ირიცხება.
სწორად აქვს ანალიზი გაკეთებული სუს- ის ანალიტიკოსს, რომ ომის რიტორიკას ოკუპირებულ ტერიტორიებზე იყენებენ რუსეთის ანექსიის პოლიტიკის გამართლებისთვის - ამ დეზინფორმაციის გამავრცელებლები არიან რუსეთის წარმომადგენლები, მათ შორის "ქართული ოცნება",- ამის შესახებ პარლამენტში გამართულ ბრიფინგზე "სტრატეგია აღმაშენებლის" დეპუტატმა პაატა მანჯგალაძემ განაცხადა.
მომეწონა უკრაინის დემარშზე საქართველოს საგარეო უწყების განცხადება, რომელიც იყო მოზომილი და ადეკვატური, – ამის შესახებ „მოქალაქეების“ ლიდერმა, ალეკო ელისაშვილმა განაცხადა.
