რუსეთს სანქციების უწესებენ იაპონია და კანადაც. ინფორმაციას სააგენტო „როიტერი“ ავრცელებს.
ევროკავშირი რუსეთს სანქციებს უწესებს. საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენლის, ჯოზეფ ბორელის თქმით, სანქციები უწესდება რუსეთის დუმის 351 დეპუტატს, რომლებმაც მხარი დაუჭირეს ოკუპირებული დონბასისა და ლუგანსკის ე.წ. დამოუკიდებლობის აღიარებას. ამის შესახებ „როიტერი“ წერს.
რუსეთის მიერ სეპარატისტული რეგიონების აღიარება უკრაინაში რუსეთის შეჭრის დასაწყისია, – ამის შესახებ ამერიკის შეერთებული შტატების პრეზიდენტმა ჯო ბაიდენმა ცოტა ხნის წინ ბრიფინგზე განაცხადა.
Stopcov.ge-ზე გამოქვეყნებული ინფორმაციის თანახმად, დღევანდელი მონაცემებით, ჩატარდა 40 504 ტესტი, გამოვლინდა ინფიცირების 10 230 ახალი შემთხვევა, გამოჯანმრთელდა 7 223 პირი, დადებითობის დღიური მაჩვენებელი არის 25.26%.
დიახ, რა თქმა უნდა, ამიერიდან მინსკის შეთანხმება აღარ არსებობს, რაღა უნდა შესრულდეს, თუ ჩვენ ამ სუბიექტების დამოუკიდებლობა ვაღიარეთ, – ამის შესახებ რუსეთის პრეზიდენტმა ვლადიმერ პუტინმა ჟურნალისტებთან შეხვედრის დროს განაცხადა.
ფრაქცია „ქართული ოცნების“ თავმჯდომარე მამუკა მდინარაძე აცხადებს, რომ საერთაშორისო თანამეგობრობამ ყველაფერი უნდა გააკეთოს ოკუპაციაზე ადეკვატური რეაქციისთვის. ამის შესახებ მამუკა მდინარაძე „ფეისბუქში“ წერს.
ბევრჯერ ძალიან ნათლად მითქვამს, ვინ არის პასუხისმგებელი ომზე. მთლიანად რუსეთის პასუხისმგებლობაა, რუსეთმა გადმოაბიჯა, საქართველოს არ გადაუბიჯებია იმ მხარეს, – ამის შესახებ საქართველოს პრეზიდენტმა სალომე ზურაბიშვილმა საქართველოში მოქმედ საერთაშორისო მედიის ბიუროების წარმომადგენლებთან შეხვედრაზე განაცხადა.
რუსეთის ფედერაციის საბჭომ ქვეყნის პრეზიდენტ ვლადიმერ პუტინს რუსეთის შეიარაღებული ძალების საზღვრებს გარეთ გამოყენების თაობაზე თანხმობა მისცა. ამის შესახებ რუსული მედია ფედერაციის საბჭოს თავმჯდომარეზე, ვალენტინა მატვიენკოზე დაყრდნობით იტყობინება.
ვერ ვიქნები საქართველოს მთავრობის პრაგმატული მიდგომის წინააღმდეგი. ორი ტერიტორია გვაქვს ოკუპირებული, ჩვენი მოსახლეობა განიცდის ამ საკითხს, საქართველოს მთავრობა გრძნობს პასუხისმგებლობას და პრინციპებზე საუბარი არ არის იოლი დასაბალანსებლად, – ამის შესახებ საქართველოს პრეზიდენტმა, სალომე ზურაბიშვილმა საერთაშორისო მედიის წარმომადგენლებთან შეხვედრისას, უკრაინის შესახებ საქართველოს პარლამენტის რეზოლუციის თაობაზე „ბიბისის“ ჟურნალისტის კითხვის პასუხად განაცხადა.
ევროპამ და მსოფლიომ არ უნდა დაუშვას ისეთი ტრაგიკული მოვლენების განმეორება, როომლებიც უკვე მოხდა 2008 წელს საქართველოში, – აღნიშნულის შესახებ უკრაინის პრეზიდენტმა ვლადიმირ ზელენსკიმ ესტონეთის ლიდერთან კიევში გამართულ ერთობლივ პრესკონფერენციაზე განაცხადა.
