ქარელის რაიონის სოფელ მოხისთან, მატარებლის ლიანდაგზე გადასვლისას კაცს ქუთაისი-თბილისის მატარებელი დაეჯახა.
ქუთაისის მერიამ ლადო ასათიანის ქუჩაზე, ღვარსადენისა და ტროტუარის მოწყობის სამუშაოებისთვის ელექტრონული ტენდერი გამოაცხადა.
2019 წელს ქუთაისის მერიის შენობა სრულად ადაპტირდება შეზღუდული შესაძლებლობის მქონე პირებისთვის. აღნიშნული გადაწყვეტილება ოფიციალურად ასახულია ღია მმართველობის პარტნიორობის სამოქმედო გეგმაში, რომლის თანახამადაც, ქუთაისის მუნიციპალიტეტში, შშმ პირების პოლიტიკურ და საზოგადოებრივ ცხოვრებაში სრულფასოვანი ჩართულობისა და მონაწილეობის გაუმჯობესების მიზნით, ადმინისტრაციული შენობა სრულყოფილად ადაპტირდება შშმ პირთა მოთხოვნების შესაბამისად. საკითხზე მიმდინარეობს მუშაობა. შემუშავდება შენობის ადაპტაციისთვის საჭირო ტექნიკური დავალება. ექსპერტი, უნივერსალური დიზაინის ფარგლებში, შენობის ადაპტირების შესაძლებლობებს შეიმუშავებს.
ქუთაისის საკრებულოს სხდომა ხმაურის ფონზე დაიწყო. მწვავე სიტყვიერი დაპირისპირება, ,,ნაციონალური მოძრაობის'' დეპუტატების მიერ, ,,იმერეთი ნიუსზე'' თავდასხმისა და დეპუტატ ელეონორა არჩაიას ოჯახზე ზეწოლის ფაქტების აფიშირებას მოჰყვა. გიგა შუშანიამ ხელისუფლება ადამიანის უფლებების ხელყოფაში დაადანაშაულა, რასაც მისი თქმით, ყველაზე მეტად ზაზა სარალიძისთვის კარვის ჩამორთმევის ფაქტი მოწმობს. საპასუხოდ, ,,ქართული ოცნების'' დეპუტატებმა ოპოზიციას გვირგვლიანის საქმე შეახსენეს და აღნიშნეს, რომ ადამიანის უფლებები წინა ხელისუფლების მმართველობის პერიოდშიც მნიშვნელოვნად ირღვეოდა, რის შემდეგაც ,,ნაციონალური მოძრაობისა" და ,,ევროპული საქართველოს" დეპუტატებმა დარბაზი დატოვეს. მათი თქმით, საკრებულო ქალაქის პრობლემების გარდა ყველაფერს განიხილავს და სხდომაზე დარჩენას აზრი არ აქვს.
ხონში ,,ფსიქიკური ჯანმრთელობის ეროვნული ცენტრის’’ ახალი კორპუსი გაიხსნა. 2400 მ2-ზე განთავსებული ორსართულიანი სამედიცინო შენობა ოთხი განყოფილებისგან შედგება და 100 პაციენტზეა გათვლილი.
ახმეტის მუნიციპალიტეტის სოფელ მატანში უბედური შემთხვევა მოხდა. 23 წლის ბიჭს დენმა დაარტყა და ადგილზე გარდაიცვალა.
