საქართველოს ჯანდაცვის სამინისტროს ოფიციალური ინფორმაციით, 2 დეკემბერს საგანგებო სიტუაციების კოორდინაციისა და გადაუდებელი დახმარების ცენტრის ჯგუფებმა, თბილისში გამართული საპროტესტო აქციიდან სამედიცინო დაწესებულებებში გადაიყვანეს 26 ადამიანი. მათგან 23 აქციის მონაწილეა, 3 - შინაგან საქმეთა სამინისტროს წარმომადგენელი.
საზოგადოებრივი მაუწყებლის თანამშრომლების ერთი ნაწილი ავრცელებს საერთო განცხადებას, რომელშიც გმობს დემონსტრანტებზე ძალადობას, ემიჯნება „ქართული ოცნების“ განცხადებას ევროკავშირთან დაახლოების პროცესის შეჩერებაზე და მოითხოვს, არხის ეთერები საზოგადოებრივი აზრის გაჟღერებასა და საჯარო დისკუსიებს დაეთმოს.
“საქართველოს აზერბაიჯანელთა ეროვნული კონგრესის“ თავმჯდომარემ, ალი ბაბაევმა განაცხადა, რომ მას კოალიცია „ძლიერი საქართველოს“ ერთ-ერთმა ლიდერმა, ალეკო ელისაშვილმა სიტყვიერი და ფიზიკური შეურაცხყოფა მიაყენა.
“ყველას მოვუწოდებ, მიმართონ ცხელ ხაზს და მოგვაწოდონ ინფორმაცია იმ დარღვევების შესახებ, რაც მათთვის გახდა ცნობილი”, – ამის შესახებ სახალხო დამცველმა, ლევან იოსელიანმა განაცხადა.
ქუთაისში ჟურნალისტებმა აქცია გამართეს. მედიასაშუალებების წარმომადგენლებმა ამ ფორმით სოლიდარობა გამოუცხადეს კოლეგებს და ჟურნალისტებზე განხორციელებული ძალადობა დაგმეს.
ქუთაისში, საპროტესტო აქციაზე დაპირისპირება იყო.
