ინგრედიენტები:
- კარტოფილი - 3 ცალი;
- პურის ფქვილი - 4 ს/კ;
- სამარხვო მაიონეზი - 50 გრ;
- ნიორი - 2 კბილი;
- კამა - 50 გრ;
- მარილი და შავი პილპილი - გემოვნებით.
მომზადების წესი:
უმი კარტოფილი გახეხეთ მსხვილად. შემდეგ კი აუცილებლად გაწურეთ. მოაყარეთ მარილი, პილპილი, დაამატეთ პურის ფქვილი და ხელით კარგად მოზილეთ, ისე რომ სქელი და მკვრივი მასა მიიღოთ.
ბოლოს მიეცით მრგვალი ფორმები და კარგად გაცხელებულ ტაფაზე ზეთში შეწვით ორივე მხრიდან.
სანამ, დრიანიკები შეიწვება, შეგიძლიათ, სოუსი მოამზადოთ: მაიონეზს დაამატეთ დაჭყლეტილი ნიორი და წვრილად დაჭრილი კამა. კარგად გადაურიეთ და შემწვარ დრიანიკებთან ერთად გემრიელად მიირთვით.
ინგრედიენტები:
- ყვავილოვანი კომბოსტო - 650 გრ.
- შვრიის ფანტელი - 120 გრ.
- ხახვი - 1 ცალი,
- საფანელი - 5 ს.კ.
- ფქვილი - 30გრ
- წიწაკა გემოვნებით
- მარილი გემოვნებით
- მწვანილი გემოვნებით
- ზეთი - 20 გრ.
მომზადების წესი:
ჩაყარეთ შვრიის ფანტელები ღრმა ჯამში, მდუღარე წყალი დაასხით და 35 წუთი ასე დატოვეთ.
ქორფა ყვავილოვანი კომბოსტო მდუღარე წყალში ჩაუშვით და 5-7 წუთის განმავლობაში ხარშეთ. მოხარშული ყვავილოვანი კომბოსტო გადაიტანეთ თუშფალანფზე, რათა ზედმეტი სითხე ჩამოიწუროს. როცა სითხე ჩამოიწურება და კომბოსტოც გაგრილდება, წვრილად დაჭერით და ბლენდერის დახმარებით დააქუცმაცეთ. შემდეგ დაუმატეთ წვრილად დაჭრილი 1 თავი ხახვი.
დამბალი შვრიის ფანტელს ზედმეტი სითხე მოაცილეთ და კომბოსტოსთან და ხახვთან ერთად ჯამში აურიეთ. ბოლოს დააყარეთ ფქვილი, მარილი, პილპილი და გატარებული მწვანილი.
მომზადებული მასა 15 წუთით დატოვეთ, შემდეგ კი სველი ხელით კატლეტები გამოიყვანეთ და საფანელში ამოავლეთ.
ტაფაზე ზეითუნის ზეთი დაასხით, კარგად გააცხელეთ და კატლეტები შეწვით.
სულ ეს არის.
გემრიელად მიირთვით!
