NASA სიცოცხლის ნიშნების საძიებლად კოსმოსში ტელესკოპს გაგზავნის

მსოფლიო თებერვალი 06 2021 font size შრიფტის დაპატარავება increase font size

აშშ-ის აერონავტიკისა და კოსმოსური სივრცის კვლევის ეროვნულმა სამმართველომ (NASA) კომპანია SpaceX-თან SPHEREx ინფრაწითელი ტელესკოპის გაშვების შესახებ შეთანხმებას მოაწერა ხელი.

ამის შესახებ განცხადება NASA-ს ოფიციალურ ვებ-გვერდზე გამოქვეყნდა.

განცხადებით თანახმად, ტელესკოპი კოსმოსში სიცოცხლისათვის აუცილებელ ორგანულ ნივთიერებებსა და წყალს მოიძიებს. ასტრონომები მონაცემების შეგროვებას 300 მილიონზე მეტ გალაქტიკასა და "ირმის ნახტომში" 100 მილიონზე მეტ ვარსკვლავზე გეგმავენ.

გეგმის თანახმად, კოსმოსური მისია დაახლოებით ორ წელს გასტანს. მისი ბიუჯეტი 98.8 მილიონი აშშ დოლარი იქნება. ტელესკოპის სავარაუდო გაშვება კოსმოსში Falcon 9-ის გადამზიდი რაკეტით 2024 წლის ივნისში იგეგმება.

წაკითხვა 609 ჯერ