"რუსეთთან ჩვენს ტერიტორიებზე ვაჭრობას არ ვაპირებთ. არსებობს რთული საკითხები დროებით ოკუპირებული ტერიტორიების შესახებ. ჩვენ მზად ვართ დღის წესრიგიდან მოვხსნათ ისეთი საკითხი, როგორიცაა ყირიმი. ყირიმის დეოკუპაცია დიპლომატიური გზით უნდა გადაიჭრას, მაგალითად დაახლოებით 10 წლის შემდეგ . ჩვენ გვჭირდება უსაფრთხოების შესახებ გარანტიები წამყვანი ქვეყნებისგან . ეს შეიძლება იყოს როგორც ნატოს წევრი, ისე არაწევრი სახელმწიფოები.

ჩვენ ვსაუბრობთ მსოფლიოს მთავარ მოთამაშეებზე. ჩვენ გვსურს ეს ქვეყნები ღიად შემოგვიერთდნენ ,მათ შორის ამერიკის შეერთებული შტატები, დიდი ბრიტანეთი, გერმანია, საფრანგეთი, თურქეთი. ეს არასრული ჩამონათვალია სადაც გვინდა ვიხილოთ ასევე ჩინეთიც. რუსეთსაც სურს ამ შეთანხმებაში თავისი ადგილი იპოვოს, რადგან ეს უკრაინა რუსეთს შორის შეთანხმებაა. ამ ალიანსში უკრაინის უსაფრთხოების გარანტორად ყოფნა სურს გარკვეულ სახელმწიფოებს, მათ შორის ისრაელს, ირლანდიას.

მაგრამ მე ჩამოვთვალე ქვეყნები რომლებმაც მზადყოფნა გამოთქვეს გარანტორობისთვის ან ჩვენ მათ თავად დავეკონტაქტეთ. რუს დიქტატორს, ვლადიმერ პუტინს სურს ყველაფერი, რასაც მას დასავლეთი მისცემს, მისი მადა იზრდება. ვიღაცამ ის უნდა შეაჩეროს. მე არ მინდა დავიჯერო რომ ჩვენი რომელიმე პარტნიორი გვეთამაშება, ან ის რომ ბაიდენს პუტინის ეშინია,"-აცხადებს ვოლოდიმირ ზელენსკი. 

დიმიტრო კულებას განცხადებით კი იმისთვის, რომ რუსეთთან მოლაპარაკების მაგიდასთან შედეგი დადგეს რუსეთს მეტი სანქციები უნდა დაუწესდეს. კულებამ ამის შესახებ CNN-თან ინტერვიუს დროს განაცხადა. 

"მჯერა, რომ პუტინი უფრო რეალისტი გახდა, რადგან ვერ წარმოვიდგენ, რომ რუსული ძალების უკრაინის ჩრდილოეთ ნაწილიდან გაყვანა მისი ბრძანება არ იყო. ვერ წარმოვიდგენ მომენტს, როდესაც პუტინი მოვა და იტყვის რომ ჩვენ წავაგეთ, ეს იყო შეცდომა, ეს არასდროს უნდა მომხდარიყო. ისინი ყოველთვის დაამტკიცებენ, რომ იმარჯვებენ და გეგმის შესაბამისად ყველაფერი კარგად მიდის. მათ მიერ გადადგმული ნაბიჯების მიხედვით მე შემიძლია დავასკვნა, რომ მას ესმის რომ ის არ არის საკმარისად ძლიერი, რომ უკრაინაზე შეტევა ყველა მხრიდან განახორციელოს.

რაც არ უნდა მოხდეს მოლაპარაკების მაგიდასთან რუსეთს მეტი სანქციები უნდა დაუწესდეს, უკრაინა კი მეტი იარაღით უნდა მომარაგდეს. ეს რეალური არგუმენტებია მოლაპარაკებებში. არავინ უნდა გამოიყენოს არგუმენტად რომ სანამ მოლაპარაკების მაგიდასთან სხედან სანქციები შეჩერდეს, ან არ მომარაგდეს უკრაინა შეიარაღებით. მინდა შეგახსენოთ რომ ეს ომია. ჩვენ არ ვიღლებით თავისუფლებისთვის, დამოუკიდებლობისა და ღირებულებებისთვის ბრძოლით. იმედი მაქვს დასავლეთში არ დაიღლებიან ჩვენი მხარდაჭერით,"-აცხადებვს უკრაინის საგარეო საქმეთა მინისტრი დმიტრო კულება.