უკრაინაში რუსეთის შეჭრის შემდეგ, საცხოვრებლის დატოვება 11 მილიონზე მეტ ადამიანს მოუწია
უკრაინაში რუსეთის შეჭრის შემდეგ, საცხოვრებლის დატოვება 11 მილიონზე მეტ ადამიანს მოუწია. ამის შესახებ ინფორმაციას გაერო ავრცელებს.
საერთაშორისო ორგანიზაციის ანგარიშის მიხედვით, საომარი მოქმედებების დაწყების შემდეგ, 4.4 მილიონი უკრაინელი ლტოლვილად იქცა თავი მეზობელ ქვეყნებს, ასევე სხვა სახელმწიფოებს შეაფარა. ლტოლვილების 90 პროცენტი ქალები და ბავშვები არიან.
ამასთან, უკრაინის ხელისუფლების ინფორმაციით, 9 აპრილს ქვეყნის ტერიტორიაზე 10 ჰუმანიტარული დერეფანი შეთანხმდა.
დასავლური სადაზვერვო სამსახურების ინფორმაციით, რუსული საოკუპაციო ძალები მშვიდობიანი მოქალაქეების დაბომბვას აგრძელებენ.
დღეს ცნობილი გახდა, რომ რუსმა სამხედროებმა სარაკეტო იერიში ქალაქ მირგოროდზე მიიტანეს. უკრაინის სახალხო დამცველის, ლუდმილა დენისოვას განცხადებით, რუს ჯარისკაცებს ქალაქ ბუჩაში წამებით სიკვდილამდე მიჰყავდათ არამხოლოდ ზრდასრული ადამიანები, არამედ ბავშვებიც. უკრაინის სახალხო დამცველი აცხადებს, რომ ამ დროისთვის უკრაინის 15 ათამდე მოქალაქე დაკარგულად ითვლება.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი