"საშინელი რამ მოხდა, ობამამ და ბაიდენმა რუსეთი აიძულეს, ჩინეთის ხელში ჩავარდნილიყო, რუსეთი და ჩინეთი უკრაინის ომმა დააახლოვა" - ტრამპი
10 წლის ისტორიის შესწავლის შემდეგ ხვდები, რომ არასდროს უნდა დაუშვა რუსეთის და ჩინეთის გაერთიანება, საშინელი რამ მოხდა, რუსეთი აიძულეს, ჩინეთის ხელში ჩავარდნილიყო, – ამის შესახებ აშშ-ის ყოფილმა პრეზიდენტმა, დონალდ ტრამპმა „ფოქს ნიუსთან“ ინტერვიუში განაცხადა.
ტრამპი აცხადებს, რომ ბარაქ ობამამ და ჯო ბაიდენმა რუსეთს ჩინეთთან დაახლოება აიძულეს, მაშინ როდესაც თავად საპირისპიროდ მოქმედებდა.
აშშ-ის პრეზიდენტობის კანდიდატის განცხადებით, უკრაინის ომმა რუსეთი და ჩინეთი დააახლოვა, ამასთანავე, ასპარეზზე გამოიყვანა ირანი და ჩრდილოეთ კორეაც.
დონალდ ტრამპის თქმით, ყველა, ვინც აშშ-ის წინააღმდეგია, პარტნიორობას აყალიბებს.
„მთელი მსოფლიო ჩვენ წინააღმდეგ დგება, ჩვენი მოკავშირეები სუსტდებიან. შეხედეთ, რა ხდება ჩინეთთან და ტაივანთან დაკავშირებით. ეს დიდი საქმეა“, – განაცხადა დონალდ ტრამპმა.
სიახლეები
- "10 წლის წინ „ქართულმა ოცნებამ“ დაპირება გასცა, რომ წყალტუბოში 5-ვარსკვლავიან სასტუმროს გააკეთებდნენ, თუმცა აქ კვლავაც „ქოცური“ ნანგრევებია" - გრიგოლ გეგელია
- რა დათმობაზე შეიძლება წავიდეს პუტინი - “თუ მოლაპარაკება უშედეგოდ დასრულდა, ეს ტრამპისთვის პოლიტიკურად დამღუპველი იქნება”
- "პუტინი ჭკვიანი კაცია, კარგად ვუგებთ ერთმანეთს, შეიძლება, შეხვედრაზე რაღაცას მივაღწიოთ" - დონალდ ტრამპი
- "ის, რომ ლაზარე გრიგორიადისის შემდეგ, კიდევ ვიღაცამ გაბედა „მოლოტოვის კოქტეილის“ ხელში აღება, სრულად ბრიუსელის სინდისზეა" - შალვა პაპუაშვილი
- უცხოური ვალუტის ოფიციალური კურსი 16 აგვისტოსთვის
