"უკრაინის საქმე არ არის საკუთარი ტერიტორიიდან ჯარების გაყვანა, არამედ რუსეთმა უნდა გაიყვანოს ჯარი უკრაინის ოკუპირებული რეგიონებიდან"
ნატო-ს გენერალური მდივანი იენს სტოლტენბერგი რუსეთის პრეზიდენტის სამშვიდობო ინიციატივას გამოეხმაურა. სტოლტენბერგის განცხადებით, უკრაინის საქმე არ არის საკუთარი ტერიტორიიდან ჯარების გაყვანა, არამედ რუსეთმა უნდა გაიყვანოს საკუთარი ჯარი უკრაინის ოკუპირებული რეგიონებიდან.
„ეს არ არის უკრაინული წინადადება და მხოლოდ იმაზე მეტყველებს, რომ ის არ არის კეთილსინდისიერი და, ფაქტობრივად, ნიშნავს, რომ რუსეთის ფედერაციას სურს, მიაღწიოს თავის სამხედრო მიზნებს. ასევე სურს, მიისაკუთროს ბევრად უფრო დიდ ტერიტორია, ვიდრე ჯერჯერობით შეძლო ოკუპირება“, – აღნიშნა სტოლტენბერგმა.
როგორც იენს სტოლტენბერგმა განაცხადა, ეს კიდევ ერთხელ მეტყველებს, რომ რუსეთი უკრაინის გაკონტროლებას ცდილობს და ეს იყო რუსეთის მიზანი ომის დაწყებიდან, რაც საერთაშორისო სამართლის დარღვევაა.
„სწორედ ამიტომაც, ნატო აგრძელებს უკრაინის მხარდაჭერას“, – განაცხადა იენს სტოლტენბერგმა.
რუსეთის პრეზიდენტმა, ვლადიმერ პუტინმა უკრაინაში ცეცხლის შეწყვეტის პირობები დაასახელა. როგორც პუტინმა განაცხადა, „უკრაინის ჯარები უნდა გაიყვანონ დონეცკიდან, ლუგანსკიდან, ზაპოროჟიედან, ხერსონიდან, უკრაინამ უარი უნდა თქვას ნატო-ში გაწევრიანების გეგმებზე, მაშინ რუსეთი მოლაპარაკებებისთვის მზად იქნება“. ვლადიმერ პუტინის განცხადებით, რუსეთი აუცილებელ პირობად მიიჩნევს უკრაინის ნეიტრალურ, უბლოკო, ბირთვული იარაღისგან თავისუფალ სტატუსს. მისივე თქმით, ახალი სამშვიდობო წინადადება არ გულისხმობს კონფლიქტის გაყინვას, არამედ მის სრულ მოგვარებას.
სიახლეები
- მსოფლიოში იზრდება ამოქმედებისთვის მზადმყოფი ატომური იარაღის რიცხვი
- უცხოური ვალუტის ოფიციალური კურსი 18 ივნისისთვის
- როგორი ამინდია მოსალოდნელი საქართველოში
- "ფეხბურთელები მზად არიან - უფრო ძლიერი ხარ, როცა შენს უკან მთელი ქვეყანა დგას" - ვილი სანიოლი
- “ლელო” გახარიასთან თანამშრომლობას არ განიხილავს - ეს ამბავი ცალმხრივი სიყვარულის ისტორიას ჰგავს" - ირაკლი კუპრაძე