„ჩვენი მტერი გაიგებს, რა არის უკრაინული შურისძიება. ღირსეული, სიმეტრიული, გრძელვადიანი“, – განაცხადა ზელენსკიმ ვიდეომიმართვაში, რომელიც, სავარაუდოდ, რუსეთის საზღვართან ახლოს, სუმის რეგიონშია ჩაწერილი.

მისი თქმით, „მოხუცი წითელი მოედნიდან, რომელიც ყველას მუდმივად წითელი ღილაკით ემუქრება, ვერ გვიკარნახებს საკუთარ წითელ ხაზებს“.

„უკრაინელები ყოველთვის იხდიან ვალს. ვისაც სურდა უბედურება ჩვენს მიწაზე, იპოვის მას საკუთარ სახლში; ვინც ჩვენს მიწაზე ბოროტების დათესვას ცდილობს, მის ნაყოფს საკუთარ ტერიტორიაზე მოიმკის. ეს არ არის წინასწარმეტყველება, არ არის ბრმა შურისძიება, ეს არის მაგალითი, ბუმერანგი ბოროტებისთვის, და მისი გაშვება დაიწყო არც ისე შორს იმ ადგილიდან, სადაც მე ამ ვიდეოს ვწერ. სუმის რეგიონში. ჩვენი საზღვრიდან რამდენიმე კილომეტრში. ეს არის საზღვარი უკრაინასა და ჩაგვრას შორის, სიცოცხლესა და სიკვდილს შორის. საზღვარი დამოუკიდებელ ევროპულ სახელმწიფოსა და მსოფლიოში ნომერ პირველ ტერორისტულ ორგანიზაციას შორის“, – განაცხადა ზელენსკიმ.