ჩინეთი უცხო ქვეყნის მოქალაქეების ქვეყანაში შესვლას კრძალავს
ჩინეთი ხვალიდან უცხო ქვეყნის მოქალაქეებს საკუთარ ტერიტორიაზე შესვლას დროებით უკრძალავს, - ამის შესახებ ინფორმაციას „ბიბისი“ ავრცელებს.
გამოცემის ცნობით, აღნიშნული გადაწყვეტილება ჩინეთის ხელისუფლებამ მსოფლიოში კორონავირუსის სწრაფი გავრცელებისა და ქვეყანაში იმპორტირებული შემთხვევების რაოდენობის ზრდის გამო მიიღო.
ჩინეთის საგარეო საქმეთა სამინისტროს ინფორმაციით, შეზღუდვა არ შეეხებათ მხოლოდ დიპლომატებსა ე.წ. „ც“ კატეგორიის ვიზის მქონე პირებს.
მათივე განმარტებით, გამონაკლისი შეიძლება დაიშვას „გადაუდებელი ჰუმანიტარული საჭიროების მქონე“ და გარკვეულ სფეროებში დასაქმებული ადამიანებისთვისაც.
გარდა ამისა, ჩინეთი შეზღუდვას აწესებს ფრენების სიხშირეზე როგორც ჩინური, ასევე უცხოური ავიაკომპანიებისთვის, კერძოდ, კვირაში მხოლოდ ერთი რეისი უნდა შესრულდეს.
შეგახსენებთ, ბოლო ერთი დღის განმავლობაში ჩინეთში კორონავირუსის 54 იმპორტირებული და 1 ადგილობრივი გადაცემის შემთხვევა დაფიქსირდა.
სიახლეები
- ზურა ჯაფარიძე ოპოზიციის გაერთიანებას ცდილობს - “ეს მაქსიმუმ 2-3 კვირის ამბავია”
- უცხოური ვალუტის ოფიციალური კურსი 21 იანვრისთვის
- "აშშ-ს ევროპის დასუსტება და დამორჩილება სურს, ევროპას ძალიან ძლიერი ინსტრუმენტები აქვს და ისინი მაშინ უნდა გამოვიყენოთ, როცა პატივს არ გვცემენ"
- როგორი ამინდია მოსალოდნელი საქართველოში 24 იანვრამდე
- "პრეზიდენტის საქმეა ჰქონდა თუ არა კონსულტაციები - მან იცის ოპოზიციის, ხელისუფლების, რევოლუციური კომიტეტის პოზიცია და დარწმუნებული ვარ, რომ სწორ გადაწყვეტილებას მიიღებს"
