აშშ-ში კორონავირუსით დაინფიცირებულთა რაოდენობამ 100 000-ს გადააჭარბა
აშშ-ში კორონავირუსის 18 000 ახალი შემთხვევა დადასტურდა და დაინფიცირებულთა საერთო რაოდენობამ 103 000-ს მიაღწია, - ამის შესახებ ინფორმაციას „როიტერსი“ ავრცლებს.
გამოცემის ცნობით, ერთ დღეში რეკორდულად გაიზარდა ფატალური შემთხვევების რიცხვიც და ქვეყანაში გარდაცვლილთა საერთო რაოდენობა 1 632-ია.
ექიმები და ექთნები აცხადებენ, რომ საკმარისი რაოდენობის დამცავი აღჭურვილობა არ აქვთ. საავადმყოფოების ხელმძღვანელების ინფორმაციით, მათ დამატებითი რაოდენობის სასუნთქი აპარატები სჭირდებათ.
შეგახსენებთ, ახალი კორონავირუსის ეპიდემიის ცენტრმა ევროპიდან აშშ-ში გადაინაცვლა. დაავადებულთა რაოდენობის მიხედვით შეერთებულმა შტატებმა იტალიასა და ჩინეთს გადაუსწრო, ფატალური შემთხვევების რაოდენობით კი ის მეექვსე ადგილზეა იტალიის, ესპანეთის, ჩინეთის, ირანისა და საფრანგეთის შემდეგ.
სიახლეები
- "არ მჯერა გამარჯვების არცერთი სცენარის, თუ არ მოხდა ძალების გაერთიანება, მჯერა, რომ ახლა რუსეთს ვებრძვით" - რას წერს ზურა ჯაფარიძე?
- 17-წლიანი არსებობის შემდეგ რატომ გახდა აუცილებელი ნატოსა და ევროკავშირის შესახებ საინფორმაციო ცენტრის რეორგანიზაცია
- როგორი ამინდია მოსალოდნელი საქართველოში
- "საქართველოში ევროკავშირისადმი ნდობა შემცირებულია და 49% შეადგენს" - „ევრობარომეტრი“
- "საქართველო დღეს დემოგრაფიული კრიზისის წინაშეა" - ელეონორა არჩაია
