"იმ ქალთა მიმართვიანობამ, რომლებიც პარტნიორების მხრიდან ძალადობის მსხვერპლი გახდნენ, 60%-ით მოიმატა"
პანდემიის დროს სამსახურების დაკარგვის, ალკოჰოლისა და ნარკოტიკების მოხმარების ზრდის, სტრესის და შიშის ნაკვალევი, შესაძლოა, ჩვენს შორის წლობით დარჩეს, - ამის შესახებ ჯანდაცვის მსოფლიო ორგანიზაციის ევროპის ბიუროს ხელმძღვანელმა, ჰანს კლიუგემ განაცხადა.
მისივე თქმით, ევროპაში, კარანტინის რეჟიმში ოჯახური ძალადობა საგანგაშოდ გაიზარდა.
„საზარელი მონაცემებია. ევროკავშირის წევრ ქვეყნებში აცხადებენ, რომ იმ ქალთა მიმართვიანობამ, რომლებიც პარტნიორების მხრიდან ძალადობის მსხვერპლნი გახდნენ, 60%-ით იმატა“ , -აღნიშნა კლიუგემ.
ცნობისთვის, ევროპის ქვეყნებში გაზრდილი ოჯახური ძალადობის გამო, რამდენიმე ქვეყანამ გარკვეული ზომები მიიღო. იტალიაში სპეციალური აპლიკაცია შექმნეს, რომლის მეშვეობითაც მსხვერპლს შეუძლია პოლიციას სატელეფონო ზარის გარეშე დაუკავშირდეს.
ესპანეთში და საფრანგეთში, ქალები აფთიაქებში კოდურ სიტყვებს იყენებენ, რომლითაც ძალადობის იდენტიფიცირება ხდება. ბელგიაში რამდენიმე სასტუმრო ქალთა თავშესაფრად გადაკეთდა. თავშესაფარი გაიხსნა ბრიუსელში, ევროპარლამენტის შენობის ერთ-ერთ ფლიგელშიც.
სიახლეები
- "ძალადობაა, როცა ზეწოლის გზით გაიძულებენ გაიმეორო მათი „მესიჯები" - კახა კალაძე
- "კანონის გაუქმებას ითხოვენ, რადგან არავის სიამოვნებს გამჭვირვალობა, ეს გასაგებია, თუმცა ვერ იქნება მისაღები ჩვენთვის"
- "მოვუწოდებ სახელმწიფო თანამდებობებზე მყოფ ნებისმიერ პირს, მათ შორის ჩემ დროს დანიშნულს, გააკეთოს სწორი არჩევანი"- მიხეილ სააკაშვილი
- "დარწმუნებული ვარ, ყველა სირთულე, რაც ევროკავშირის განვითარებასთან და საქართველო-ევროკავშირის ურთიერთობებთანაა დაკავშირებული, გადაილახება" - პრემიერი
- "აუცილებლად იქნება ევროპის დღე საქართველოსთვის და ევროპის დღე ბელარუსისთვის" - ზელენსკი
