ალექსანდრე ლუკაშენკომ მთავრობა დაითხოვა
ბელარუსის პრეზიდენტმა, ალექსანდრე ლუკაშენკომ მოქმედი შემადგენლობით მთავრობა დაითხოვა.
ინფორმაციას ადგილობრივი მედია ავრცელებს.
სახელმწიფო ტელევიზიის „ბელარუს 1“-ის ინფორმაციით, შესაბამის განკარგულებას ალექსანდრ ლუკაშენკომ ხელი უკვე მოაწერა.
მედიის ცნობით, ახალი შემადგენლობის მთავრობის საკითხი დღეს ბელარუსის პრეზიდენტთან შეხვედრაზე განიხილეს. შეხვედრაზე მიწვეული იყვნენ ბელარუსის საბჭოს თავმჯდომარე, წარმომადგენელთა პალატის თავმჯდომარე, პრეზიდენტის ადმინისტრაციის ხელმძღვანელი და უშიშროების საბჭოს მდივანი.
ადგილობრივი მედიის ინფორმაციით, შესაბამისი ბრძანება პრეზიდენტმა 3 ივნისს გამოსცა. მანამდე გავრცელებული ინფორმაციით, ამ ფაქტს წინ უძღოდა ლუკაშენკოს მიერ იმ გეგმაზე საუბარი, რომელიც საპრეზიდენტო არჩევნებამდე მთავრობის ახალი შემადგენლობის მომზადებას ეხებოდა.
ცნობისთვის, საპრეზიდენტო არჩევნები ბელორუსში 9 აგვისტოს გაიმართება. ლუკაშენკომ, ასევე განაცხადა, რომ მთავრობის ცვლილებისას რევოლუცია არ მოხდება. მისივე თქმით, მინისტრთა მომავალი კაბინეტის რეფორმირება ნახევარი წლის წინ დაიწყო, როდესაც მთავრობაში ახალი მინისტრები მოვიდნენ. დღეს კი, მისი თქმით, კორონავირუსის ფონზე არსებული ეკონომიკური კრიზისის გამო, მასშტაბური ცვლილებები საჭირო არ არის. ბელორუსის მინისტრთა კაბინეტს 2018 წლიდან სერგეი რუმასი ხელმძღვანელობდა.
სიახლეები
- "ომით ვერ შევძლებთ ტერიტორიების დაბრუნებას და ქვეყნის გაერთიანებას, ამიტომ ჩვენი სტრატეგიული მოთმინების და მშვიდობიანი პოლიტიკა ტერიტორიების მშვიდობიანი დაბრუნების და გაერთიანებისკენ არის მიმართული"
- "2008 წლის ომი გარე დაკვეთით, სწორედ „ნაციონალებმა“ დაიწყეს" - ბიძინა ივანიშვილი
- როგორ უნდა ვებრძოლოთ გენდერული ნიშნით ძალადობის პრობლემას
- "პოლიცია მუშაობს, აუცილებლად იქნება დასჯილი დამნაშავე" - თეიმურაზ კუპატაძე კესარია აბრამიძის მკვლელობის საქმეზე
- "კესარია აბრამიძის მკვლელობის ფაქტი კიდევ ერთი დასტურია იმისა, რომ სიძულვილისა და გენდერული იდენტობის მოტივით ჩადენილი დანაშაულების მიმართ სამართალდამცავი ორგანოების და საზოგადოების რეაგირება განსაკუთრებით მკაცრი უნდა იყოს"