"ჩვენი დიპლომატია შეტევითი ხასიათის უნდა იყოს"- ილჰამ ალიევი
ჩვენი დიპლომატია შეტევითი ხასიათის უნდა იყოს, - აზერბაიჯანული მედიის ინფორმაციით, ამის შესახებ პრეზიდენტმა ილჰამ ალიევმა ახლად დანიშნულ საგარეო საქმეთა მინისტრ ჯეიჰუნ ბაირამოვთან ვიდეო ფორმატში გამართული შეხვედრის დროს განაცხადა.
„ჩვენი დიპლომატია შეტევითი ხასიათის უნდა იყოს, ეს აუცილებელია ეროვნული ინტერესების დასაცავად. თუმცა ჩვენ ხშირად საპირისპიროს ვხედავთ. ვხედავთ, რომ ის შერიგების პრინციპს ეფუძნება და ეროვნული ინტერესების გვერდზე გადადება ხდება. ამის შესახებ საკმარისი ინფორმაცია მაქვს. ამიტომ, გაითვალისწინეთ ეს საკითხი,“- განაცხადა ალიევმა.
მისივე თქმით, აზერბაიჯანს ისეთი დიპლომატები სჭირდება, რომლებიც არიან პროფესიონალები, „აქვთ ეროვნული სულისკვეთება და შეუძლიათ ქვეყნის დაცვა“.
შეგახსენებთ, გუშინ აზერბაიჯანის პრეზიდენტმა ქვეყნის საგარეო საქმეთა მინისტრი ელმარ მამედიაროვი თანამდებობიდან გაათავისუფლა და მის ნაცვლად ჯეიჰუნ ბაირამოვი დანიშნა, რომელსაც მანამდე განათლების მინისტრის პოსტი ეკავა.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი