"კარგი ვერსიაა. ვთვლი, რომ იმსახურებს დაჟინებულ შესწავლას. სამზარეულოში მოვხარშე "ნოვიჩოკი". თვითმფრინავში მათარიდან წყნარად მოვწრუპე. ჩავვარდი კომაში. მანამდე მოველაპარაკე მეუღლეს, მეგობრებს და კოლეგებს, რომ თუ ჯანდაცვის სამინისტრო დაჟინებით მოითხოვდა, რომ მე სამკურნალოდ გერმანიაში გადავეყვანე, მათ ეს არაფრის დიდებით არ დაეშვათ. ომსკის საავადმყოფოში სიკვდილი და ომსკის მორგში მოხვედრა, სადაც სიკვდილის მიზეზად დაადგენდნენ "იცხოვრა საკმარისი" - აი საბოლოო მიზანი ჩემი ეშმაკური გეგმის. მაგრამ პუტინმა მომიგო, მას ასე ადვილად ვერ გააცურებ. საბოლოოდ, მე სულელს, კომაში ყოფნა 18 დღე მომიწია, მაგრამ ჩემსას ვერ მივაღწიე, პროვოკაცია არ გამომივიდა," - წერს ნავალნი ინსტაგრამზე.

შეგახსენებთ, ვლადიმირ პუტინი ვარაუდობს, რომ ალექსეი ნავალნიმ "ნოვიჩოკის" ჯგუფის საწამლავი შესაძლოა თავად მიიღო, ამის შესახებ ფრანგული გაზეთი LE MONDE წყაროზე დაყრდნობით წერს. გამოცემის ინფორმაციით ასეთი განცხადება რუსეთის პრეზიდენტმა ემანუელ მაკრონთან სატელეფონო საუბრისას გააკეთა.

შეგახსენებთ, რომ 20 აგვისტოს​ ოპოზიციონერი ალექსეი ნავალნი, რომელიც ​ ტომსკიდან მოსკოვში ბრუნდებოდა, თვითმფრინავში ცუდად გახდა. თვითმფრინავი ომსკის აეროპორტში დაეშვა და ნავალნი ​ ადგილობრივ საავადმყოფოში გადაიყვანეს, რუსმა ექიმებმა ოჯახს პაციენტის გერმანიაში გადაყვანის უფლება მხოლოდ ორი დღის შემდეგ მისცეს. 22 აგვისტოდან ალექსეი ნავალნი ბერლინის კლინიკა "შარიტეში" იმყოფება. ის ხელოვნური კომიდან 7 სექტემბერს გამოიყვანეს.