ევროკავშირი უკრაინას სამხედრო აღჭურვილობით უზრუნველსაყოფად, დამატებით 500 მილიონ ევროს გამოუყოფს. აღნიშნული თანხა თავდაცვით და სამხედრო აღჭურვილობას, ასევე საწვავსა და პირველადი დახმარების პაკეტებს მოხმარდება.
პოლონეთის პრეზიდენტმა ანდჟეი დუდამ უკრაინაში მიმდინარე ომს დღეს „ტერორიზმი“ უწოდა და აღნიშნა, რომ ისინი, ვინც დანაშაული ჩაიდინეს ბრძანების გამცემ პირებთან ერთად უნდა დაისაჯონ.
ლატვიის, ესტონეთისა და პოლონეთის პრეზიდენტებთან ერთად გამოვხატეთ სრული მხარდაჭერა უკრაინისადმი, - ამის შესახებ ლიეტუვის პრეზიდენტმა გიტანას ნაუსედამ საკუთარ "ტვიტერ" გვერდზე დაწერა.
მეტი იარაღის გარეშე ომი გადაიქცევა უსასრულო სისხლის აბაზანად, რომელიც ავრცელებს უბედურებას, ტანჯვასა და განადგურებას , - ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.
ნამდვილი ლიდერის ნამდვილი სიტყვები, – ასე გამოეხმაურა უკრაინის პრეზიდენტი ვოლოდიმირ ზელენსკი აშშ-ის პრეზიდენტ ჯო ბაიდენის მიერ უკრაინაში ომთან დაკავშირებით სიტყვა „გენოციდის“ გამოყენებას.
ალყაში მოქცეული ქალაქის, მარიუპოლის მერის, ვადიმ ბოიჩენკოს განცხადებით, ქალაქში 21 000 ადამიანი დაიღუპა, მაგრამ ქუჩაში მიმდინარე ბრძოლების გამო, ხელისუფლების წარმომადგენლები იძულებული გახდენენ, ცხედრების დათვლა შეეწყვიტათ.
