აშშ-ის პრეზიდენტმა, დონალდ ტრამპმა განაცხადა, რომ ვაშინგტონმა განსაზღვრა ირანის 52 ობიექტი, რომლებსაც „ძალიან სწრაფად და ძალიან ძლიერ დარტყმას“ მიაყენებენ, თუ თეირანი იერიშს მიიტანს ამერიკულ სამიზნეზე.
თეთრმა სახლმა ოფიციალური შეტყობინება გაუგზავნა კონგრესს იმის თაობაზე, რომ პრეზიდენტ დონალდ ტრამპის განკარგულებით 3 იანვარს დრონით თავდასხმის შედეგად მოკლეს ირანის მაღალი რანგის სამხედრო მეთაური, ყასემ სოლეიმანი, რომელიც იმ დროს ერაყში ჩაფრინდა.
კენიის სამხედრო ბაზაზე დაჯგუფება „ალ-შაბააბის“ თავდასხმის დროს ქვეყნის თავდაცვის ძალებმა, 4 ტერორისტი მოკლეს.
ავსტრალიამ სამი ათასზე მეტი სამხედრო რეზერვისტი ჩართო ტყეებში ხანძართან საბრძოლველად.
ლიბიის არაღიარებულმა ლიდერმა, ხალიფა ჰაფთარმა მოსახლეობას იარაღის ხელში აღებისკენ მოუწოდა.
ერაყის ოფიციალური წარმომადგენლის ინფორმაციით, საჰაერო თავდასხმის დროს დარტყმა მიაყენეს ორ ავტომანქანას, რომლებიც ეკუთვნოდა პროირანულ გასამხედროებულ დაჯგუფება შიიტურ "ჰაშდ შააბის".
