ნიუ იორკში მდინარე ჰადსონზე სატვირთო ხომალდზე აფეთქება მოხდა. დაიღუპა ერთი და დაშავდა ორი მუშა. მედიის ინფორმაციით, შემთხვევა საკანალიზაციო წყლების გადამზიდ ხომალდზე მოხდა. აფეთქების დროს ბორტზე სარემონტო სამუშაოები მიმდინარეობდა.
25 მაისს გამთენიისას რუსეთის არმიამ რაკეტებითა და დრონებით შეუტია უკრაინის ტერიტორიაზე არსებულ დასახლებულ პუნქტებს. ხმელნიცკის ოლქის ადმინისტრაცია იუწყება ოთხი დაღუპულის, ხუთი დაშავებულის და სამოქალაქო ინფრასტრუქტურის დაზიანების შესახებ.
გასულ ღამეს დაახლოებით შვიდი საათის განმავლობაში უტევდა რუსეთი კიევს. საჰაერო ძალების ცნობით, ღამით უკრაინის დედაქალაქში ექვსი ბალისტიკური რაკეტა ჩამოაგდეს.
"რუსეთი დროს აყოვნებს და მთელ მსოფლიოს დასცინის. ომის ყოველი დღე სიცოცხლის ფუჭად კარგვაა" - ზელენსკი
"როდესაც რუსებმა უკვე ერთი კვირა დახარჯეს ე.წ. მემორანდუმის შემუშავებაზე, რომელიც მათ სურთ, რათა ცეცხლის შეწყვეტის აუცილებლობას უპასუხონ, ეს ნამდვილად მთელი მსოფლიოს დაცინვაა. ამდენი დრო! ომის ყოველი დღე სიცოცხლის ფუჭად კარგვაა. რუსეთში ხალხს არ ითვლიან. მაგრამ მსოფლიომ უნდა დათვალოს". - ზელენსკი.
ამერიკის კალიფორნიის შტატის ქალაქ სან-დიეგოს საცხოვრებელ რაიონში ჩამოვარდა თვითმფრინავი Cessna 550. კატასტროფა, რომლის გამომწვევი მიზეზი ჯერჯერობით უცნობია, 22 მაისს მოხდა.
