„ჩვენ მზად ვართ ნებისმიერი შეთანხმებისთვის, რომელიც მიზნად ისახავს ირანის მიერ ბირთვული იარაღის შეძენის თავიდან აცილებას. თუმცა, თუ შეთანხმების მიზანია ირანის ბირთვული უფლებების ჩამორთმევა, მაშინ ჩვენ მზად არ ვართ ასეთი შეთანხმებისთვის“, – განაცხადა არაღჩიმ (ვიდეო გამოქვეყნდა საინფორმაციო სააგენტო Mehr-ის Telegram არხზე).
ისრაელში, ირანის სარაკეტო იერიშის შედეგად 8 ადამიანი დაიღუპა და 200-მდე დაშავდა, - ინფორმაციას The Times of Israel-ი ავრცელებს.
აშშ-ის პრეზიდენტი, დონალდ ტრამპი აცხადებს, რომ მის ქვეყანას არაფერი აქვს საერთო ირანზე წუხელ განხორციელებულ თავდასხმასთან და ირანს აფრთხილებს, მისი ქვეყანა კონფლიქტში არ ჩართოს.
ისრაელის ავიადარტყმების ფონზე ირანის ლიდერები „ჩანთებს ალაგებენ“,- ამის შესახებ ისრაელის პრემიერ-მინისტრმა, ბენიამინ ნეთანიაჰუმ ინგლისურ ენაზე გავრცელებულ ვიდეომიმართვაში განაცხადა.
თეირანში, ერთ-ერთ მაღალსართულიან საცხოვრებელ შენობაზე ისრაელის მიერ განხორციელებული დარტყმის შედეგად 60 ადამიანი დაიღუპა, მათ შორის 20 ბავშვია. ამის შესახებ ინფორმაციას CNN ავრცელებს.
ისრაელის საგანგებო სიტუაციების სააგენტოს ცნობით, ირანის მიერ ისრაელის მისამართით გაშვებული სარაკეტო თავდასხმების შედეგად, სულ მცირე, 17 დაშავებულს გაუწიეს სამედიცინო დახმარება და მათი ნაწილი ჰოსპიტალიზებულია.
