წითელი ჯვრის საერთაშორისო კომიტეტმა დაადასტურა, რომ მარიუპოლიდან მშვიდობიანი მოსახლეობის ევაკუაციის პროცესი მიმდინარეობს.
გერმანიის მთავრობა, ევროკავშირის გეგმებს, რუსეთის ნავთობზე ემბარგოს დაწესების შესახებ მხარს უჭერს.
თურქეთის პოლიციამ დააკავა ათობით დემონსტრანტი, რომლებიც სტამბოლში, ტაქსიმის მოედანზე შრომის დღესთან დაკავშირებულ დემონსტრაციაზე შეკრებას ცდილობდნენ.
ბრიტანეთის პრემიერ-მინისტრმა, ბორის ჯონსონმა და უკრაინის პრეზიდენტმა ვოლოდიმირ ზელენსკიმ სატელეფონი საუბარი გამართეს.
„პრემიერ-მინისტრმა კიდევ ერთხელ დაადასტურა, რომ უკრაინის გაძლიერებისა და პუტინის წარუმატებლობის უზრუნველყოფის ერთგულია ისე, როგორც არასდროს და აღნიშნა, თუ რამდენად მედგრად იბრძვიან უკრაინელები საკუთარი თავისუფლებისთვის”, – ნათქვამია სატელეფონო საუბრის შესახებ ბრიტანეთის პრემიერის ადმინისტრაციის განცხადებაში.
მათივე ცნობით, დიდი ბრიტანეთის პრემიერმა დაადასტურა, რომ გაერთიანებული სამეფო გააგრძელებს დამატებით სამხედრო დახმარებას, რათა უკრაინელებს მიაწოდოს აღჭურვილობა, რომელიც მათ დასაცავად სჭირდებათ. ამასთან, ლიდერებმა გაერო-ს ხელმძღვანელობით მარიუპოლის ევაკუაციის მცდელობის პროგრესი განიხილეს. ასევე, ბორის ჯონსონმა უკრაინის პრეზიდენტს შემდგომი ეკონომიკური და ჰუმანიტარული მხარდაჭერა შესთავაზა.
დიდი ბრიტანეთის პრემიერთან გამართულ სატელეფონო საუბართან დაკავშირებით „ტვიტერში” წერს უკრაინის პრეზიდენტიც.
„ვინარჩუნებ მუდმივ კონტაქტს ბრიტანეთის პრემიერ-მინისტრ ბორის ჯონსონთან. ვესაუბრე ბრძოლის ველზე და ბლოკირებულ მარიუპოლში არსებულ ვითარებაზე. განვიხილეთ უკრაინის თავდაცვის მხარდაჭერა და მშვიდობის მისაღწევად აუცილებელი დიპლომატიური ძალისხმევა“, – წერს ვილოდიმირ ზელენსკი.
ჩვენ გავიმარჯვებთ! დიდება უკრაინას!- ასე მიმართა უკრაინის პრეზიდენტმა ვოლოდიმირ ზელენსკიმ სამხედრო მოსამსახურეებს და მათ მესაზღვრის პროფესიული დღე მიულოცა.
დანია უკრაინას ჯავშანტრანსპორტიორებსა და ნაღმტყორცნებს გადასცემს. ამის შესახებ ინფორმაციას უკრაინული მედია ავრცელებს.
