უკრაინას შეუძლია მოიგოს ეს ომი - ამის შესახებ ნატოს გენერალურმა მდივანმა იენს სტოლტენბერგმა განაცხადა.
თურქეთი ყოველთვის მხარს უჭერს ნატოს გაფართოების იდეას, მაგრამ აქვს წუხილი ფინეთისა და შვედეთის ალიანსში გაწევრიანებასთან დაკავშირებით ტერორისტულ დაჯგუფებებთან მათი ურთიერთობის გათვალისწინებით, - ამის შესახებ თურქეთის საგარეო საქმეთა მინისტრმა.
ვაგრძელებთ ძალიან რთულ და დელიკატურ მოლაპარაკებებს, რათა გადავარჩინოთ ჩვენი ხალხი მარიუპოლიდან, „აზოვსტალიდან“. ჩვენ ამ საკითხებზე ყოველდღიურად ვმუშაობთ და მთავარია, შეთანხმებები შესრულდეს, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
უკრაინაში, გასული დღე-ღამის განმავლობაში კიდევ 200 რუსი დამპყრობელი განადგურდა და ლიკვიდირებული მოწინააღმდეგეების საერთო რაოდენობა ახლა დაახლოებით 27 400 ადამიანს შეადგენს. ინფორმაციას უკრაინის გენერალური შტაბი ავრცელებს.
ოკუპანტებმა „აზოვსტალზე“ მარიუპოლის დამცველების წინააღმდეგ ცეცხლგამჩენი საბრძოლო მასალა ან ფოსფორის ბომბები გამოიყენეს.
უკრაინა „ევროვიზია 2022“-ის გამარჯვებულია. „კალუშის“ ბენდი 631 ქულით პირველ ადგილზე გავიდა. გამოსვლის ბოლოს ჯგუფმა მსოფლიოს მიმართა, დაეხმარონ უკრაინას.
