მარმარილოს ზღვაში, სტამბოლის სანაპიროსთან დღის განმავლობაში ორი მიწისძვრა დაფიქსირდა,- ინფორმაციას თურქული მედია ავრცელებს.
სტამბოლში, თურქეთის პრეზიდენტის სამუშაო რეზიდენცია დოლმაბაჰჩეში დაიწყო უკრაინის და რუსეთის დელეგაციების მოლაპარაკება. მონაწილეებს მიესალმა თურქეთის საგარეო საქმეთა მინისტრი ჰაკან ფიდანი, რომელმაც ცეცხლის შეწყვეტის და მშვიდობის დამყარების აუცილებლობაზე ილაპარაკა.
რუსეთის მიერ უკრაინაში სრულმასშტაბიანი ომის დაწყების 1177-ე დღეს პრეზიდენტი ზელენსკი ვლადიმირ პუტინთან შესახვედრად თურქეთში ჩავიდა. რუსეთის პრეზიდენტმა კი, მისივე ინიციატივით დაგეგმილ შეხვედრაზე თანაშემწე - მედინსკი - გააგზავნა.
პუტინი თუ მზადაა პირდაპირი მოლაპარაკებებისთვის, შევხვდეთ, ჩვენ აქ ვართ, მაგრამ ის არც აქ არის და არც სტამბოლში, ჩვენ არ შეგვიძლია მსოფლიოს გარშემო სირბილი მის საძებნელად, – ამის შესახებ უკრაინის პრეზიდენტმა, ვოლოდიმირ ზელენსკიმ თურქეთის პრეზიდენტთან შეხვედრის დასრულების შემდეგ გამართულ პრესკონფერენციაზე განაცხადა.
ამერიკის პრეზიდენტმა დონალდ ტრამპის განცხადებით, იმედგაცრუებული არ არის იმ ფაქტით, რომ რუსეთის პრეზიდენტი, ვლადიმერ პუტინი თურქეთში უკრაინასთან მოლაპარაკებებს არ დაესწრება.
აშშ-ის პრეზიდენტმა დონალდ ტრამპმა ისევ არ გამორიცხა ჩასვლა თურქეთში, სადაც დღეს იწყება უკრაინისა და რუსეთის წარმომადგენელთა მოლაპარაკება. ამის შესახებ მედიასაშუალებები, მათ შორის CNN-ი და AFP იუწყებიან.
