ამასთანავე, უდუმაშვილმა მესამე რაუნდის გაჭიანურებაზეც გაამახვილა ყურადღება და აღნიშნ, რომ ხელისუფლება მზად არ არის ოპოზიციას კონკრეტული წინადადება შესთავაზოს.

„მესამე რაუნდის დროში გაწელვა მხოლოდ და მხოლოდ ხელისუფლების ბრალია იმიტომ, რომ ხელისუფლება არ არის მზად, რომ შეხვდეს ოპოზიციას და კონკრეტული წინადადებები წარუდგინოს. ჩვენ ყოველდღე მზად ვართ შესახვედრად და ველოდებით ხელისუფლების გადაწყვეტილებას. ჩვენი მთავარი მოთხოვნაა ახალი არჩევნები ქვეყანაში. ეს არის მიბმული შემდეგ საარჩევნო კოდექსის ცვლილებასთან. ეს არის ერთმანეთზე გადაჯაჭვული ორი თემა, რომელიც ცალ-ცალკე არ განიხილება. როგორც ჩანს. ხელისუფლება არ არის მზად რომ მოვიდეს მოლაპრაკების მაგიდასთან. ყოველ შემთხვევაში, ჯერჯერობით, არანაირი წინადადება არ წამოსულა.

პარლამენტი არ არის იდეაფიქსი რომ აუცილებლად პარლამენტის თბილ კაბინეტებში იჯდე. პოლიტიკური ცხოვრება შეიძლება უფრო აქტიური გახდეს პარლამენტის გარედან. ასე რომ, ის უფრო ცუდი იქნება რომ პარლამენტში იქნება წარმოდგენილი მხოლოდ ერთი პოლიტიკური პარტია და საქართველო მერვე ქვეყანა გახდება მსოფლიოში, ვისაც ერთპარტიული პარლამენტი ეყოლება,“- განაცხადა უდუმაშვილმა.