May 19, 2024

"21 ნოემბერს სირცხვილის დერეფანი კლასიკური მოდელით არ განიხილება"

„ნაციონალური მოძრაობის“ წევრი ზაალ უდუმაშვილი აცხადებს, რომ გაერთიანებული ოპოზიცია 21 ნოემბერს საპროტესტო აქციას გეგმავს, თუმცა რა ფორმით, ამაზე მსჯელობა მიმდინარეობს.

„ბევრი ვერსიაა, იხილება ცოცხალი ჯაჭვიც. ყველა პარტია თავის პოზიციას ჩამოაყალიბებს და ერთ პოზიციაზე შევთანხმდებით. სირცხვილის დერეფანი კლასიკური მოდელით არ განიხილება, რადგან ჩვენია თუ სხვისი ამომრჩეველი, მასზე ზეწოლა არ უნდა მოვახდინოთ. ხელისუფლებას პატივი რომ ეცა ამომრჩევლის ნებისთვის, ეს შედეგი არ იქნებოდა, რაც დღეს გვაქვს“, – განაცხადა ზაალ უდუმაშვილმა.

 

მისივე თქმით, თუ ვინმემ ამომრჩეველს შეურაცხყოფა მიაყენა „ქართული ოცნება“ და მისი ამფსონებია.

 

„იმედი გვაქვს, რომ ხელისუფლების მხრიდან მესამე შეხვედრაზე გონივრული წინადადება იქნება, რადგან ქვეყანა პოლიტიკურ კრიზისშია შესული და საჭიროა კონკრეტული ნაბიჯების გადადგმა. წინადადება შეიძლება ეხებოდეს მხოლოდ რიგგარეშე არჩევნებს“, – განაცხადა ზაალ უდუმაშვილმა.

 

„ლელოს“ ოფისში ოპოზიციის წევრების შეხვედრა მიმდინარეობს, სადაც საპროტესტო ღონისძიებების დაგეგმვაზე მსჯელობენ.

წაკითხვა 833 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.