"ტყუილად ნუ ექნება იმედი ხელისუფლებას, რომ რეგულაციებით შეზღუდავს აქციებს"
ტყუილად ნუ ექნება იმედი ხელისუფლებას, რომ რეგულაციებით შეზღუდავს აქციებს, - ამის შესახებ „ნაციონალური მოძრაობის“ წევრმა ზაალ უდუმაშვილმა ჟურნალისტებთან კორონავირუსის პანდემიის ფონზე ქვეყანაში მიმდინარე აქციებზე საუბრისას განაცხადა.
უდუმაშვილმა აჭარაში განვითარებული მოვლენები შეაფასა. მისი თქმით, აქციებს ვერავინ შეზღუდავს, იქნება ის მცირერიცხოვანი თუ ფართომასშტაბის.
„ეს აქციები იმართება ღია სივრცეში, ღია სივრცეში როგორც ცნობილია ყველაზე ნაკლები შანსია კოვიდინფექციის გავრცელების. ასე რომ, აქციებს ვერავინ შეზღუდავს, ტყუილად ნუ ექნება იმედი ხელისუფლებას, რომ ამ რეგულაციებით შეზღუდავს აქციებს. ეს იქნება მცირერიცხოვანი თუ ფართომასშტაბიანი“,-აცხადებს უდუმაშვილი.
ცნობისთვის, აჭარის მთავრობის სახლთან ოპოზიციური პარტიების ლიდერებმა და მხარდამჭერებმა ხელახალი საპარლამენტო არჩევნების ჩატარების მოთხოვნით საპროტესტო აქცია გამართეს. აქციის მონაწილეებს სოლიდარობა სამარშრუტო მიკროავტობუსების და ტაქსის მძღოლებმაც გამოუცხადეს, მათ პროტესტის ნიშნად ავტომობილებით მსვლელობა მოაწყვეს და აქციის მონაწილეებს შეუერთდნენ.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი