შავი ზღვის რეგიონში ნატო-ს ორი ახლო და ძალიან ღირებული პარტნიორი ჰყავს - იენს სტოლტენბერგი
ჩრდილო-ატლანტიკური ალიანსის გენერალური მდივანი იენს სტოლტენბერგი აცხადებს, რომ შავი ზღვა ნატო-სთვის სტრატეგიული მნიშვნელობისაა.
ამის შესახებ მან უკრაინის პრემიერ-მინისტრთან, დენის შმიგალთან ერთობლივ პრესკონფერენციაზე განაცხადა.
„ჩვენ უნდა გავაცნობიეროთ, რომ შავი ზღვა ნატო-სა და ნატო-ს მოკავშირეებისთვის, ასევე ჩვენი ზღვისპირა წევრებისთვის თურქეთისთვის, ბულგარეთის, რუმინეთისთვის სტრატეგიულ მნიშვნელობისაა და ამ რეგიონში გვყავს ორი ახლო და ძალიან ღირებული პარტნიორი, უკრაინა და საქართველო. ამავე დროს, ჩვენ ვხედავთ შავ ზღვაზე რუსეთის მნიშვნელოვან გაძლიერებას, რაც გამომდინარეობს ყირიმის უკანონო ანექსიიდან და ასევე მიმდინარე წელს რუსეთის საზღვაო ძალების რაოდენობის გაზრდით“, – განაცხადა იენს სტოლტენბერგმა.
ნატო-ს გენერალური მდივნის თქმით, ალიანსმა ასევე გააძლიერა თავისი წარმომადგენლობა შავი ზღვის რეგიონში და ბოლო რამდენიმე დღეში შავ ზღვაში სამი ამერიკული სამხედრო ხომალდი განთავსდა. ამასთან, ნატო აძლიერებს საქართველოსა და უკრაინის მხარდაჭერას, მათ შორის, მათი საზღვაო ძალების დახმარებით.
„ჩვენ უნდა დავრწმუნდეთ, რომ შავ ზღვაში არ იყოს მხოლოდ ერთი ქვეყნის, კერძოდ, რუსეთის დომინანტობა“, – განაცხადა იენს სტოლტენბერგმა.
სიახლეები
- "გარედან თავსმოხვეული ე.წ. პოლარიზაციის დაძლევა არის ჩვენი პასუხისმგებლობა ქართველი ხალხის წინაშე, რომელმაც ქვეყნის მართვის მანდატი უკვე რვაჯერ მოგვანიჭა"
- "ვაფრთხილებ რადიკალური ოპოზიციის ძალადობრივი დაჯგუფებების თითოეულ წევრს, ძალადობისთვის კანონის წინაშე ყველა უმკაცრესად აგებს პასუხს"
- "ჩვენი ქვეყანა თავისი განვითარების ერთ-ერთ რთულ მონაკვეთს გადის, მშვიდობა ყველას გვინდა, მაგრამ მისი მიღწევა ხშირად გვიჭირს, რადგან არ ვიქცევით სწორად"
- "გუშინდელი აქცია იყო უფრო ხალხმრავალი, ვიდრე „მაიდნებზე“ უკრაინაში, „ეროვნული მოძრაობის“ გარიჟრაჟზე 9 აპრილს და „ვარდების რევოლუციის“ დროსაც კი"
- "ამოცანა გვეკითხება: რამდენი ადამიანი ეტევა 9 ათას კვადრატულზე? - აბა, მარტივი IQ ტესტი" - ნინო წილოსანი