"ყველა მხარემ დაუყოვნებლივ უნდა შეწყვიტოს ცეცხლი"- იენს სტოლტენბერგი ყარაბაღის კონფლიქტზე
იმედი მაქვს, თურქეთი თავის მნიშვნელოვან ზეგავლენას დაძაბული სიტუაციის დასაწყნარებლად გამოიყენებს, - ამის შესახებ ნატო-ს გენერალურმა მდივანმა იენს სტოლტენბერგმა თურქეთის საგარეო საქმეთა მინისტრ მევლუთ ჩავუშოღლუსთან შეხვედრის შემდეგ განაცხადა.
მისივე თქმით, შეხვედრაზე განხილვის ერთ-ერთი თემა მთიან ყარაბაღში არსებული სიტუაცია იყო.
„შეშფოთებულები ვართ საომარი მოქმედებების ესკალაციის გამო. ყველა მხარემ დაუყოვნებლივ უნდა შეწყვიტოს ცეცხლი და გამონახოს კონფლიქტის მშვიდობიანად გადაწყვეტის გზა. ველოდები, რომ თურქეთი თავის მნიშვნელოვან ზეგავლენას დაძაბული სიტუაციის დასაწყნარებლად გამოიყენებს“, - განაცხადა იენს სტოლტენბერგმა.
ცნობისათვის, იენს სტოლტენბერგისა და მევლუთ ჩავუშოღლუს შეხვედრა დღეს, ნატო-ს გენერალური მდივნის თურქეთში ვიზიტის ფარგლებში გაიმართა.
სიახლეები
- "საქართველოს პატარა ტოსკანა" - VOGUE კახეთზე სტატიას აქვეყნებს
- "ისრაელი რეგიონულ კონფლიქტებს ოკუპაციის გასამართლებლად იყენებს" - ერდოღანი
- "ისრაელს არანაირი გარანტიები არ მოუცია, რომ ირანის ბირთვულ ობიექტებს არ დაარტყამს" - CNN
- "ჩვენი ამოცანაა გარანტირებული იყოს უკრაინისთვის მყარი მშვიდობა, გრძელვადიანი უსაფრთხოება" - ზელენსკი
- თბილისის საპატიო მოქალაქის წოდება 25 ადამიანს მიენიჭა
