ევროკავშირის საბჭო საქართველოს ოფიციალურ პირებს მოუწოდებს, „სასწრაფოდ დაუბრუნდნენ ევროკავშირის გზას და მიიღონ დემოკრატიული, ყოვლისმომცველი და მდგრადი რეფორმები, რომლებიც ევროპული ინტეგრაციის ძირითად პრინციპებს” შეესაბამება. ამის შესახებ საუბარია ევროკავშირის საბჭოს გაფართოების შესახებ ანგარიშში.
შინაგან საქმეთა სამინისტროს, თითოეულ პოლიციელს, მათ შორის, განსაკუთრებულ დავალებათა დეპარტამენტის თანამშრომლებს მინდა ძალიან დიდი მადლობა გადავუხადო, მათ შეძლეს ამ ქვეყანაში „მაიდნის” ჩაშლა, – ამის შესახებ საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში გამართულ პრესკონფერენციაზე განაცხადა.
„ეს განცხადებები არის სიტყვების ბრახაბრუხი. გაიხსენეთ, კანდიდატის სტატუსთან დაკავშირებითაც მათი განცხადებები, რომ ჩვენ ვრჩებით ქართველი ხალხის ერთგული, მაგარი ხალხი ხართ ქართველები, მაგრამ აი, ხელისუფლება გყავთ ცუდიო“, – ამის შესახებ დედაქალაქის მერმა, კახა კალაძემ მედიასთან საუბრისას განაცხადა, როდესაც მას საგარეო საკითხებში ევროკავშირის წარმომადგენლის, კაია კალასის განცხადებების კომენტირება სთხოვეს, რომლის მიხედვითაც ევროკავშირის უმაღლესმა წარმომადგენელმა საქართველოს ხელისუფლება გააკრიტიკა, ქართველ ხალხს კი სრული მხარდაჭერა გამოუცხადა.
“ჩვენსა და ევროკავშირს შორის დაძაბულობა დაიწყო უკრაინაში ომის დაწყებისას, ტრამპის გაცხადებული გეგმა, რომ ომი უნდა დასრულდეს, სრულიად შეცვლის საქართველოში ყველა პირობას”,- ამის შესახებ “ქართული ოცნების” წევრმა, მარიამ ლაშხმა განაცხადა.
“კეზერამ და მისმა მინიონებმა – მას შემდეგ, რაც ყველაფერში გრანდიოზულად ჩაისვარეს, ცილისმწამებლური კამპანია წამოიწყეს, რომ მე “ქართული ოცნება” მაფინანსებს”, – ამის შესახებ “ფედერალისტების“ ლიდერი, თამარ ჩერგოლეიშვილი სოციალურ ქსელში წერს.
მინდა მადლობა გადავუხადო ხუთ ქვეყანას, რომლებმაც ქართველი ხალხის მხარდამჭერი პოზიცია დააფიქსირეს ევროკავშირის საბჭოზე, ესენი არიან უნგრეთი, სლოვაკეთი, იტალია, ესპანეთი და რუმინეთი – ამის შესახებ საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში გამართულ პრესკონფერენციაზე განაცხადა.
