ხათუნა სამნიძე ადასტურებს იმას, რასაც დიდი ხნის განმავლობაში ვამბობდით. მავნებელთა დიდი გუნდია შეკრებილი, გაერთიანდნენ, რევოლუციური კომიტეტი ჩამოაყალიბეს და ფიქრობენ, რომ კანდიდატის სტატუსის არმიღება განაპირობებს რევოლუციური პროცესის დაწყებას, – ამის შესახებ პარლამენტის ვიცე-სპიკერმა, გია ვოლსკიმ განაცხადა.
რადიკალურმა ოპოზიციამ გუშინ რატომღაც გადაწყვიტა, საზოგადოებისთვის მთელი რიგი აღიარებითი ჩვენებები მიეცა. რამდენიმე რადიკალმა გულახდილად აღიარა, რომ საქართველოსთვის კანდიდატის სტატუსის მინიჭებას არ ემხრობა, – ამის შესახებ „ხალხის ძალის“ განცხადებაშია ნათქვამი.
„ხალხის ძალის“ განცხადებით, ამას დაემატა ხათუნა სამნიძის აღიარება იმის შესახებ, რომ კოლექტიური „ნაცმოძრაობის“ წარმომადგენლები ევროპაში კანდიდატის სტატუსის წინააღმდეგ ლობირებდნენ, რასაც ხელისუფლება თვეების განმავლობაში ამტკიცებდა.
მათივე თქმით, ყველაზე გამორჩეული აღიარება კი თამარ ჩერგოლეიშვილს და, შესაბამისად, გიგა ბოკერიას ეკუთვნით.
„ყველაზე გამორჩეული აღიარება კი თამარ ჩერგოლეიშვილს და, შესაბამისად, გიგა ბოკერიას ეკუთვნით, რომლებმაც განაცხადეს, ტვინისგან დაცლილმა ოპოზიციამ „ევროკავშირის მიერ შექმნილი კრიზისით“ სარგებლობა ვერ მოახერხაო.
ჩვენ ვთანამშრომლობთ ჩვენს პარტნიორებთან. კონკრეტული ნაბიჯები არის გადადგმული, მთელი რიგი ცვლილებები არის განხორციელებული. მე ძალიან დიდი ოპტიმიზმით ვარ განწყობილი და მგონია, რომ ქვეყნისთვის სტატუსის მინიჭების ყველანაირი საფუძველი არსებობს, - ამის შესახებ თბილისის მერმა, კახა კალაძემ განაცხადა.
ფაქტია, რომ პრეზიდენტზე არავითარ გავლენას არ ახდენს „ქართული ოცნებიდან“ მუქარა და ბრალდებები - აპირებს, რომ საკუთარი პოლიტიკური ნაბიჯებით ქვეყნის ევროპული სტატუსის დაცვა გააგრძელოს, - ამის შესახებ „რესპუბლიკური პარტიის“ თავმჯდომარე ხათუნა სამნიძემ ოპოზიციის სხვა წარმომადგენლებთან ერთად საქართველოს პრეზიდენტთან, სალომე ზურაბიშვილთან შეხვედრის შემდეგ ჟურნალისტებს განუცხადა.
როდესაც ვიღაც რევოლუციის თემის აქტუალიზაციას ახდენს და მითუმეტეს, ეს უცხოური დაფინანსებით ხდება, ბუნებრივია, შემაშფოთებელია და ყველას მოვუწოდებ - დაასვენონ ეს ქვეყანა,- ამის შესახებ „ქართული ოცნების“ თავმჯდომარე ირაკლი კობახიძემ ჟურნალისტებს განუცხადა, როდესაც უპასუხა კითხვას იმის შესახებ, რომ „ინდიგოს“ და ფრიდრიხ ებერტის ფონდის ორგანიზებით თემაზე - „პროტესტი და წინააღმდეგობა საქართველოში“, დისკუსიის გამართვა იგეგმება.
არსებობს ასეთი გეგმა, რაც ჩვენ ვიცით, რომ საპარლამენტო არჩევნებისთვის შეიქმნას ლომჯარია-ზურაბიშვილი-გახარიას პოლიტიკური პარტია.
