მარგველაშვილი, ფაქტობრივად, უკვე ზის ვანო მერაბიშვილთან მაგიდასთან, ვინაიდან მათი რიტორიკა ერთია. უბრალოდ, მარგველაშვილმა იცის, რომ სამომავლო გეგმისთვის დამაზიანებელი იქნება ვანო მერაბიშვილის სახელთან მისი სახელის გაერთიანება, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.
გია ვოლსკი გამოეხმაურა გიორგი მარგველაშვილის იმ განცხადებას, სადაც მარგველაშვილი აღნიშნავს, რომ პოლიტიკოსებთან, რომლებიც მიტინგებს არბევდნენ, სასაუბროდ დაჯდომას არ აპირებს და ამის მაგალითად ვანო მერაბიშვილი და გიორგი გახარია მოჰყავს.
ვოლსკის თქმით, გიორგი მარგველაშვილი, ვანო მერაბიშვილი და ლევან ხაბეიშვილი ერთი დღის წესრიგით მოქმედებენ.
„დემოკრატიული ქვეყანაა, მარგველაშვილს შეუძლია, შექმნას პოლიტიკური გუნდი და არჩევნებში მიიღოს მონაწილეობა. არჩევნები ელექტრონული წესით და პროპორციული სისტემით ჩატარდება. გაიმარჯვოს, პოლიტიკურ ველზე ადგილი დაიმკვიდროს და შემდეგ გააკეთოს ეს ბრტყელ-ბრტყელი განცხადებები, ვისთან დაჯდება მაგიდასთან და ვისთან არ დაჯდება. ის, ფაქტობრივად, უკვე ზის მაგიდასთან ვანო მერაბიშვილთან, ვინაიდან მათი რიტორიკაც ერთია და ზუსტად იმავე დღის წესრიგით მუშაობენ, თუ ამას მუშაობა ჰქვია. უბრალოდ, მარგველაშვილმა იცის, რომ მისი ავტორიტეტისთვის და სამომავლო გეგმისთვის დამაზიანებელი იქნება ვანო მერაბიშვილის სახელთან მისი სახელის გაერთიანება. ადამიანი, რომელიც იყო სადისტური სისტემის ჩამოყალიბებაში მთავარი მონაწილე პირი, რიმელმაც სისხლი დაღვარა, მარგველაშვილს არ აწყობს თავის მოკავშირედ, მაგრამ მარგველაშვილი, ვანო მერაბიშვილი და ლევან ხაბეიშვილი ზუსტად ერთ ფორმატში და ერთი დღის წესრიგით მოქმედი ადამიანები არიან. ვისურვებდი, საქართველოში ოპოზიცია არსებობდეს, იყოს მძლავრი, მაგრამ ჰქონდეს პროგრამა. პროგრამა მოიცავდეს სხვადასხვა დარგის განვითარებას და არა მხოლოდ ერთ თემას, დესტაბილიზაციას და დესტაბილიზაციის, რევოლუციური პროცესის მეშვეობით ხელისუფლებაში მოსვლას“, – განაცხადა გია ვოლსკიმ.
„თუ გადავრჩები, ეს პოლონეთის დამსახურება იქნება, პოლონელი ექიმების მისია ჩემი ბოლო შანსია“, - ამის შესახებ მიხეილ სააკაშვილმა პოლონურ რადიოსთან ინტერვიუში განაცხადა.
თავს უნდა დავუსვათ შეკითხვა, ხომ არ არის საქართველოს უკრაინიზაცია, მეორე ფრონტის გახსნა ის მთავარი მიზანი, რომლისკენაც ქართული პოლიტიკის ხელოვნური პოლარიზაცია არის მიმართული, – ამის შესახებ მოძრაობა „ხალხის ძალის“ განცხადებაშია ნათქვამი.
აშშ-ის ყოფილი პრეზიდენტის, დონალდ ტრამპის განცხადებით, ის ელოდება, რომ მას მომავალ კვირას დააკავებენ.
„ქართულ ოცნებას“ ერთადერთი, რაც სურს, ეს არის საკუთარი ძალაუფლების შენარჩუნება და რუსული ინტერესების გაძლიერება ამ ქვეყანაში , - ამის შესახებ "ერთიანი ნაციონალური მოძრაობის" ერთ-ერთმა წევრმა, ანა წითლიძემ ჟურნალისტებს განუცხადა.
ომის დაწყებიდან ერთ კვირაში, მსოფლიოს 38-მა ქვეყანამ, მათ შორის საქართველომ, მიმართა ჰააგის სასამართლოს რუსეთის მიმართ ომის დანაშაულების გამოძიებასთან დაკავშირებით - პუტინის მიმართ გამოცემული ორდერიც ამ გამოძიების შედეგია, - ამის შესახებ „ქართული ოცნების“ აღმასრულებელი მდივანი მამუკა მდინარაძე სოციალურ ქსელში წერს.
