წამლების გაიაფების პროცესი დავიწყეთ. წამლები საქართველოში უკვე შემოსულია და ხელმისაწვდომია აფთიაქებში - მინისტრი აზარაშვილი აქტიურად მუშაობს, რომ ქვეყანაში შეიქმნას წამლის ხარისხის ლაბორატორია, რათა ყველა ის წამალი, რომელიც საქართველოში წარმოებული იქნება, ან იმპორტირებული მაღალი ხარისხის იყოს, - ამის შესახებ პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა.
მინდა, ჩემი გამოსვლა მოგიძღვნათ თქვენ, ევროპის მოსახლეობას. მინდა, ჩუმად არ იყოთ, ქუჩაში გამოხვიდეთ, მხარი დაუჭიროთ უკრაინას, ჩვენს ძალისხმევას და ბრძოლას, რადგან თუ უკრაინა დაეცემა, ევროპაც დაეცემა, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა ვიდეომიმართვაში, რომელითაც ევროპის შვიდ ქალაქს, მათ შორის საქართველოს მიმართა.
თბილისში, რუსთაველის გამზირზე მიმდინარე აქციაზე ვიდეომიმართვა აჩვენეს, სადაც საქართველოს პრეზიდენტი სალომე ზურაბიშვილი შეკრებილ მოქალაქეებსა და უკრაინის პრეზიდენტ ვოლოდიმირ ზელენსკის მიმართავს.
დღეს ისტორიული დღეა საქართველოსთვის - ქვეყნის სახელით ხელს ვაწერ ევროკავშირის წევრობაზე განაცხადს, - ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის ადმინისტრაციაში ევროკავშირის წევრობაზე განაცხადის ხელმოწერის შემდეგ განაცხადა.
საქართველო დაჩქარებული წესით ამზადებს განაცხადს ევროკავშირის წევრობის კანდიდატის სტატუსის მისაღებად, რომელიც ევროკავშირის სტრუქტურებს ხვალ ოფიციალურად წარედგინება. ამის შესახებ „ქართული ოცნების“ ცენტრალურ ოფისში გამართულ პრესკონფერენციაზე „ქართული ოცნების“ თავმჯდომარემ, ირაკლი კობახიძემ განაცხადა.
ბელარუსის ჯარები უკრაინის ჩერნიგოვის რეგიონში შევიდნენ. ინფორმაციას უკრაინული მედია ტერიტორიული თავდაცვის ძალების "Север" რეგიონალური დეპარტამენტის წარმომადგენელ ვიტალი კირილოვზე დაყრდნობით ავრცელებს.
