“აფხაზეთში ამ პროცესები უკან დგას ალექსანდრე ანქვაბი. გახსოვთ, ის ხაჯიმბას მიერ იქნა გადაყენებელი და ზუსტად ანქვაბი რომ გადააყენეს, სწორედ ამ პროცესების უკან იდგა რუსეთი, ხაჯიმბას მეთაურიბით. ანქვაბი იყო პროაფხაზური პოლიტიკოსი და არა პრორუსი. მან გააკეთა ყველაფერი ისე, რომ სამართალდამცავი ორგანოები და სამხედრო ბაზები თავს თავისუფლად არ გრძობდნენ აფხაზეთის ტერიტორიაზე, სულ პრობლემებს უქმნიდა მათ. როდესაც მოვიდა ხაჯიმბა რუსულ ბაზებთან გაფორმდა ხელშეკრულება, რომ არანაირი პასუხისმგებლობა დანაშაულთან დაკავშირებით რუსი ჯარისკაცების არ დგება, რუსეთის სამართალდამცავი სტრუქტურები უფრო მაღლა დგას ვიდრე აფხაზეთის. დაიწყო კრიმინალური მმართველობა...”, - აცხადებს ექსპარლამენტარი პაატა დავითაია გაზეთ “ახალი თაობისთვის” მიცემულ ინტერვიუში, სათაურით - "ხაჯიმბას დღეები დათვლილია, აფხაზური ოპოზიციის უკან ანქვაბი დგას” / პაატა დავითაია” - აფხაზეთში რუსეთის საწინააღმდეგო სცენარი ხორციელდება, მაგრამ ის არ არის საქართველოსთვის სასიკეთო”.
“გახარია თუ წავა, ეს არ იქნება ოპოზიციის მოთხოვნაზე პასუხი. ჩვენ ვითხოვდით გახარიას მოხსნას შინაგან საქმეთა მინისტრობიდან, მაგრამ საზოგადოებამ მისი დაწინაურება მიიღო. 2019 წელს ვითხოვდით გახარიას წასვლას, ახლა 2020 წელია და ხელისუფლებიდან უნდა გავუშვათ არა გახარია, არამედ ბიძინა ივანიშვილი და “ქართული ოცნება” - ეს გაერთიანებული ოპოზიციის უპირველესი ამოცანაა”, - აცხადებს გაერთიანებული ოპოზიციის ერთ-ერთი ლიდერი მურმან დუმბაძე გაზეთ “ახალი თაობისთვის” მიცემულ ინტერვიუში, სათაურით “ოპოზიცია “ოცნებას” ყველანაირ არჩევნებს მოუგებს” / მურმან დუმბაძე: “ხელისუფლებიდან უნდა გავუშვათ არა გახარია, არამედ ბიძინა ივანიშვილი და “ქართული ოცნება”.
ინიციატივამ EU4Digital საკუთარი ვებ-გვერდი https://eufordigital.eu/geo/ გახსნა – ამ მრავალენოვან პლატფორმაზე თავმოყრილია ინფორმაცია, ახალ ამბები და რესურსები იმ მხარდაჭერის შესახებ, რომელსაც ევროკავშირი უწევს ციფრულ ეკონომიკას და საზოგადოებას აღმოსავლეთ პარტნიორობის რეგიონში.
რუსეთის შინაგან საქმეთა სამინისტრო ოკუპირებულ აფხაზეთში მიმდინარე მოვლენებთან დაკავშირებით განცხადებას ავრცელებს და მხარეებს მოუწოდებს მოახდინონ სიტუაციის სტაბილიზაცია.
ქართული მხარე ყველაზე მეტად უნდა იყოს პროცესებში ჩართული და რეალურად, ყველაზე უფრო შორსაა.
აფხაზური მედიის ინფორმაციით, მომიტინგეთა ნაწილი, რომელიც დე ფაქტო პრეზიდენტის, რაულ ხაჯიმბას ადმინისტრაციასთან საპროტესტო აქციას მართავდა, შენობაში შეჭრას ცდილობს.
