თბილისში დღეს, 4 ოქტომბერს, ადგილობრივი თვითმმართველობის არჩევნების პარალელურად დაგეგმილი საპროტესტო აქციის ერთ-ერთმა ორგანიზატორმა, მოძრაობა „რუსთაველის გამზირის“ ლიდერმა, ყოფილმა საოპერო მომღერალმა პაატა ბურჭულაძემ დაასახელა საორგანიზაციო კომიტეტის შემადგენლობა.
„საერთაშორისო გამჭვირვალობა, „სოროსი“, „ისფედი“, საია - ყველა ამ ორგანიზაციამ, ვინც განაცხადა, რომ ხმას არ მისცემენ არჩევნებზე, თავისი თავის დისკვალიფიკაცია მოახდინეს - არჩევნებში არ მონაწილეობით, ისინი საკუთარ თავს აფორმებენ ანტიდემოკრატიულ, რადიკალურ დაჯგუფებად და ასეც იქნება ხვალინდელი დღიდან, როცა ეს არჩევნები გადაივლის,- ამის შესახებ პარლამენტის თავმჯდომარემ, შალვა პაპუაშვილმა ჟურნალისტებს განუცხადა.
,,საზოგადოების უსაფრთხოებისა და მართლწესრიგის დაცვის მიზნით, შინაგან საქმეთა სამინისტროს შესაბამისი საპოლიციო დანაყოფების თანამშრომლები, მიმდინარე წლის 4 ოქტომბერს, თბილისში დაგეგმილ აქციასთან დაკავშირებით, დედაქალაქის მასშტაბით, სხვადასხვა ადგილზე არიან მობილიზებულნი”,- ამის შესახებ შსს-ს განცხადებაშია ნათქვამი.
„მშვიდობა საქართველოს და მეტი სიკეთე თბილისს“. ერთადერთი ძალა, ვისაც დღეს რეალურად შეუძლია ამ ქვეყანაში მშვიდობა შეინარჩუნოს, ეს არის „ქართული ოცნება – დემოკრატიული საქართველო“, – ამის შესახებ თბილისის მერმა, კახა კალაძემ საარჩევნო უბანზე საკუთარი არჩევანის დაფიქსირების შემდეგ განაცხადა.
როცა ჩვენი რეიტინგი არის 65%, როგორ შეიძლება ჭკვიანმა ადამიანმა იფიქროს დამხობასა და რევოლუციის მოწყობაზე? - ვინმეს არ წაუცდეს ხელი კანონის დარღვევაზე და არ დაუცდეს ფეხი ამ კანონზე. ეს არის ჩემი ერთადერთი გაფრთხილება! - ამის შესახებ საარჩევნო უბანთან მისულმა საქართველოს პრემიერ-მინისტრმა ირაკლი კობახიძემ ჟურნალისტებთან განაცხადა.
საქართველოს საპატრიარქო განცხადებას ავრცელებს და აცხადებს, რომ ეკლესია ყოველთვის იყო და იქნება მშვიდობისა და ქრისტიანული ღირებულებების მხარდამჭერი და ემიჯნება “რადიკალურ მოწოდებებსა და ისეთ ქმედებებს, რამაც შეიძლება დაპირისპირებას შეუწყოს ხელი”.
საქართველო ნარკოტიკების წინააღმდეგ ევროპული კოალიციის დაფუძნების შესახებ საფრანგეთის ინიციატივას შეუერთდა, რომლის დეკლარაციასაც ხელი საქართველოს პრემიერ-მინისტრმა, ირაკლი კობახიძემ მოაწერა. ამის შესახებ ინფორმაციას მთავრობის ადმინისტრაცია ავრცელებს.
მაროკოში ანტისამთავრობო დემონსტრაციები მსხვერპლით დასრულდა. მედიის ინფორმაციით, ახალგაზრდების მიერ ორგანიზებული საზოგადოებრივი მომსახურების მდგომარეობის წინააღმდეგ გამართული საპროტესტო აქციების დროს პოლიციამ ორი ადამიანი მოკლა.
ევროპელ ლიდერებთან მაქვს საუბრის საშუალება ჩვენს ეროვნულ ინტერესებზე, ჩვენს ხედვებზე იმასთან დაკავშირებით, თუ როგორ უნდა წავიწიოთ წინ ევროინტეგრაციის მიმართულებით, რაც არის ჩვენი საგარეო პოლიტიკის ერთ-ერთი უმთავრესი პრიორიტეტი, – ამის შესახებ პრემიერ-მინისტრმა ირაკლი კობახიძემ ქართველ ჟურნალისტებს დანიის სამეფოს დედაქალაქ კოპენჰაგენში განუცხადა.
