ევროპულმა საბჭომ საქართველოსთვის, ევროპის სამშვიდობო ინსტრუმენტის (EPF) ფარგლებში, ფინანსური დახმარების მორიგი პაკეტი დაამტკიცა. 20 მილიონი ევროს ღირებულების დახმარება ქვეყნის თავდაცვისუნარიანობის გაძლიერებას ისახავს მიზნად და ერთიანი თავდაცვისა და უსაფრთხოების პოლიტიკის (CSDP) ფარგლებში ევროკავშირთან საქართველოს აქტიურ თანამშრომლობას შეუწყობს ხელს.
ალექსი პეტრიაშვილი სოციალურ ქსელში უკრაინაში მიმდინარე მოვლენებს ეხმაურება:
საქართველოს ეროვნული ბანკის მიერ გამოქვეყნებული მონაცემების თანახმად, 9 დეკემბრისთვის ერთი ამერიკული დოლარი 2.6848 ლარი ეღირება, ევრო – 2.8196 ლარი, ხოლო ბრიტანული გირვანქა სტერლინგი – 3.2653 ლარი.
„ქართული ოცნების“ თავმჯდომარე ირაკლი კობახიძე აცხადებს, რომ ნინო ლომჯარია „სახალხო დამცველის გარდა, პრაქტიკულად, ყველაფერი იყო“.
ევროკავშირის წევრი სახელმწიფოების შინაგან საქმეთა მინისტრებმა მხარი დაუჭირეს ხორვატიის შენგენის ზონაში მიღებას, მაგრამ, ამავდროულად, უარი უთხრეს ბულგარეთსა და რუმინეთს. ინფორმაციას ამის შესახებ გამოცემა Digi24 და ევროკავშირის მინისტრთა საბჭოში ჩეხეთის თავმჯდომარეობა ავრცელებენ.
დასკვნები, რომელსაც ვეყრდნობით, ადასტურებს, რომ მიხეილ სააკაშვილის მდგომარეობა შეესაბამება სისხლის სამართლის საპროცესო კოდექსის მუხლს, რომელიც ამბობს, რომ ამ მდგომარეობაში მყოფი პატიმარი შეიძლება დაექვემდებაროს მინიმუმ სასჯელის მოხდის გადავადებას , - ამის შესახებ საქართველოს სახალხო დამცველმა, ნინო ლომჯარიამ განაცხადა, რითაც უპასუხა შეკითხვას იმის შესახებ, თუ როგორ აფასებს პატიმრობაში მყოფი მესამე პრეზიდენტის, მიხეილ სააკაშვილის ჯანმრთელობის მდგომარეობას და არის თუ არა საჭირო სამკურნალოდ მისი დროებით გადაყვანა.
მოქმედ სახალხო დამცველს, ნინო ლომჯარიას დღეს უფლებამოსილების ვადა ეწურება. აღნიშნულს სოციალურ ქსელში ეხმიანება „მთავარი არხის“ დამფუძნებელი, პატიმრობაში მყოფი ნიკა გვარამია და ლომჯარიას მადლობას უხდის.
"წარმატებული ქართული ბიზნესის ასოციაციამ" იმერეთში ადგილობრივი ბიზნესის წარმომადგენლები დააჯილდოვა. ღონისძიება ქუთაისში რესტორან "ამირანში" გაიმართა. წარმატებული ბიზნესის ასოციაცია ქართულ ბიზნესს აერთიანებს და მათ განვითარებაში ეხმარება. ბიზნეს ასოციაციის ჯილდო თითქმის ყველა სფეროს წარმომადგენელმა მიიღოო. ღონისძიებაზე შედგა ფასდაკლების ბარათების პრეზენტაციაც, რომელიც მომხმარებელს საშუალებას აძლევს სხვადასხვა პროდუქციის შეძენისას დაზოგონ მეტი და გადაიხადონ ნაკლები.
"წარმატებული ქართული ბიზნესის ასოციაციის" ღონისძიებაზე ასევე, დაჯილდოვდა ქუთაისში არსებული საცხობ-საკონდიტრო "ლაზიერი. კომპანიის დამფუძნებელმა თამარ კვაშილავამ FirstNews.ge-თან "ლაზიერის შესახებ ისაუბრა:
"დიდი მადლობა ღონისძიების ორგანიზატორებს, ასეთი მნიშვნელოვანი ჯილდოსთვის. ჩვენთვის ეს ჯილდო უფრო მეტ მოტივაციას ნიშნავს.
სახელი "ლაზიერი" ვფიქრობ, ეს არის ძალა, სტატუსი, გამბედაობა, პასუხისმგებლობა. ეს არის ის, რაც ბიზნესს სჭირდება, ვფიქრობ, ძლიერი ფიგურა წარმატებულია ბიზნესშიც, თამაშშიც და ცხოვრებაშიც. ვარ გურმანი და ასევე, თავადაც ვამზადებ გემრიელობებს, რის გამოც ხშირად ვიღებ შექებას. იდეის ერთ-ერთი ნაწილი დღესდღეობით ჩემი ბიზნესია. პანდემიის პერიოდმა დააჩქარა ჩემი იდეების განხორციელება, თუმცა არაერთხელ შევიტანე ცვლილება ბიზნესის განვითარების პროცესში, იყო ბევრი გამოწვევა და სირთულეები, მაგრამ შევძელი დაწყებული საქმიანობა უფრო განმევრცო.
"ლაზიერში" შედგა პროფესიონალი გუნდი, რომელიც ჩემი იდეების განხორციელებას ამართლებს. მათ დიდ პატივს ვცემ და მსურს ჩემს ტემპს გაუძლონ. ხშირად ვიღებთ ქველმოქმედებაშიც მონაწილეობას და ვცდილობთ ეს ტრადიციად დავამკვიდროთ და უფრო მასშტაბურად განვავრცოთ. მადლობა მინდა მოვუხადო ჩემს ყოველ მომხმარებელს და ამ პატარა ქალაქს, რომელმაც დიდი სიყვარულით მიიღო ჩვენის საქმიანობა,"- განაცხადა კომპანიის დამფუძნებელმა თამარ კვაშილავამ.
იმერეთში სახელმწიფო რწმუნებული ზვიად შალამბერიძე და ქუთაისის მერი იოსებ ხახალეიშვილი ამერიკის შეერთებული შტატების ელჩს საქართველოში, კელი დეგნანს შეხვდნენ.
„ნაციონალურ მოძრაობას“ აბსოლუტურად არ აინტერესებს არც მიხეილ სააკაშვილის სიცოცხლე, არც მისი ჯანმრთელობა და არც მიხეილ სააკაშვილი. უბრალოდ ახლა ცდილობენ, სააკაშვილი, როგორც ბოლო კოზირი, პოლიტიკურ ბრძოლაში გამოიყენონ, – ამის შესახებ „ხალხის ძალის“ წევრმა, სოზარ სუბარმა განაცხადა.
მისივე თქმით, „ნაციონალური მოძრაობა“ გაკოტრდა და ახლა ცდილობენ, ხავსს მოეჭიდონ.
„ნაციონალურ მოძრაობას“ აბსოლუტურად არ აინტერესებს არც მიხეილ სააკაშვილის სიცოცხლე, არც მისი ჯანმრთელობა და არც მიხეილ სააკაშვილი. უბრალოდ ვინაიდან თვითონ გაკოტრდნენ და მათი რეიტინგი ნულზე დავიდა, ვინაიდან ერთმანეთს დაეტაკნენ და ერთმანეთის ჭამაზე არიან გადასული, ახლა ცდილობენ, სააკაშვილი, როგორც ბოლო კოზირი, პოლიტიკურ ბრძოლაში გამოიყენონ. რამდენად გამოუვათ, თავად დაინახავთ.
რაც შეეხება მათ მიერ შესაძლო რადიკალურ ზომებს, მათ რომ რადიკალური ზომების მიღების თავი ჰქონოდათ, ამას დიდი ხნის წინ გააკეთებდნენ. ხან ცხელი გაზაფხულით იმუქრებიან, ხან ცხელი ზაფხულით, შემოდგომით და ხან ზამთრით, მაგრამ ვერაფერს აღწევენ. სწორედ ამიტომ, უცხოელი მფარველები უკვე ხედავენ, რომ გაკოტრდნენ. ახლა იქიდან ჩაერთნენ უცხოელი პოლიტიკოსები საქართველოს შიდაპოლიტიკურ ბრძოლაში, ისეთ განცხადებებს აკეთებენ, მაგრამ ქართველი ხალხი ბრძენია და ყველას თავის ადგილს მიუჩენს. გაკოტრდა „ნაციონალური მოძრაობა“, გაკოტრდა რადიკალური ოპოზიცია და რადიკალური ოპოზიციის აზრები, ახლა ცდილობენ, ხავსს მოეჭიდონ და რაღაცით იტივტივონ“, – განაცხადა სოზარ სუბარმა.
