საქართველოს ეროვნული ბანკის მიერ გამოქვეყნებული მონაცემების თანახმად, 18 თებერვალს ერთი ამერიკული დოლარი 3.0008 ლარი ეღირება, ევრო – 3.4113 ლარი, ხოლო ბრიტანული გირვანქა სტერლინგი – 4.0838 ლარი.
5-დან 12 წლამდე ასაკობრივ ჯგუფისთვის „ფაიზერის“ ვაქცინის მოწოდებაზე მიდის მუშაობა და ვფიქრობთ, მალევე, დაახლოებით მეორე კვარტლის დასაწყისიდან იქნება ხელმისაწვდომი ეს ვაქცინაც ქვეყანაში,- ამის შესახებ ჟურნალისტებთან ჯანდაცვის მინისტრის მოადგილე თამარ გაბუნიამ განაცხადა.
Stopcov.ge-ზე გამოქვეყნებული ინფორმაციის თანახმად, დღევანდელი მონაცემებით, ჩატარდა 52 912 ტესტი, გამოვლინდა ინფიცირების 15 644 ახალი შემთხვევა, გამოჯანმრთელდა 24 110 პირი, დადებითობის დღიური მაჩვენებელი არის 29.57%.
ნატო-ს გენერალურმა მდივანმა იენს სტოლტენბერგმა ალიანსის შტაბ-ბინაში კონფერენცია გამართა, სადაც განაცხადა, რომ მოკავშირეები მშვიდობიან მოლაპარაკებებს უჭერენ მხარს და მოსკოვის მხრიდან დიპლომატიური მოლაპარაკებების ნიშნების გაჩენას მიესალმებიან.
ნატოს გენერალური მდივნის იენს სტოლტენბერგის განცხადებები მოსკოვს აღარ აინტერესებს, მისი არგუმენტები არასერიოზულია, რუსეთს სურს ნამდვილი დიალოგი. რუსული მედიის ინფორმაციით, ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ იენს სტოლტენბერგის განცხადებების კომენტირებისას განაცხადა, რომლის თანახმადაც, ნატო არ აპირებს უარი თქვას „ღია კარის“ პოლიტიკაზე.
საქართველოს პროკურატურა, ფოთში მომხდარი ახალშობილის განზრახ მკვლელობის ფაქტზე, დედისთვის ბრალის წარდგენის თაობაზე ოფიციალურ ინფორმაციას ავრცელებს.
ჯანდაცვის მინისტრის მოადგილის, თამარ გაბუნიას განცხადებით, „ომიკრონის“ გავრცელების პიკი ქვეყანაში გადალახულია, თუმცა მიმდინარე კვირა ამ შეფასებაში გადამწყვეტი იქნება.
როცა შენი ავტორიტეტი ღრენაზე, ბღვერაზე და მუქარაზე დააფუძნე, უკან დახევა განსაკუთრებული გამბედაობაა, რადგან ამის იქით არაფრისთვის ჩაგიყრია საფუძველი და ერთბაშად ყველა დიდების ჩამოშლის შიშს გრძნობ საკუთარ თავთან, თორემ ირგვლივ ყველა ამოისუნთქებს, რომ შენ გაიმარჯვე შენს მუდმივად გაბრაზებულ თავზე, რომელსაც ღიად რომ არაფერი ავნო, ბრაზს სხვებისკენ მიმართავ, - ამის შესახებ სოციალურ ქსელში ფსიქოლოგი ნათია ფანჯიკიძე წერს.
ამერიკის შეერთებული შტატები მზადაა, ნებისმიერი სცენარისთვის. მზად ვართ დიპლომატიისთვის, მზად ვართ, ჩავერთოთ დიპლომატიით რუსეთთან და ჩვენს მოკავშირეებთან ერთად, რათა გავაუმჯობესოთ ევროპის სტაბილურობა და უსაფრთხოება. ჩვენ მზად ვართ, გავცეთ გადამწყვეტი პასუხი რუსეთს, თუ ის უკრაინაზე განახორციელებს შეტევას, რისი შანსიც ჯერ კიდევ დიდია, – ამის შესახებ აშშ-ის პრეზიდენტმა, ჯო ბაიდენმა პრესკონფერენციაზე განაცხადა.
ჩვენ არ ვეძებთ რუსეთის დესტაბილიზაციას, – ამის შესახებ აშშ-ის პრეზიდენტმა, ჯო ბაიდენმა პრესკონფერენციაზე განაცხადა.
