საქართველოს ეროვნული ბანკის მიერ გამოქვეყნებული მონაცემების თანახმად, 21 იანვარს ერთი ამერიკული დოლარი 3.0825 ლარი ეღირება, ევრო – 3.4980 ლარი, ხოლო ბრიტანული გირვანქა სტერლინგი – 4.1990 ლარი.
ბრიტანულ გაზეთ „გარდიან“-ში (The Guardian) დაბეჭდილია სტატია სათაურით „ახლა რთული დროა“: რატომ გახდა ჯო ბაიდენი აშშ-ის ერთ-ერთი ყველაზე არაპოპულარული პრეზიდენტი?“ (ავტორი - ლორენ გამბინო), რომელშიც განხილულია ჯოზეპ ბაიდენის პრეზიდენტობის პირველი წლის შედეგები.
„ნაცმოძრაობა“ და გახარიას პარტია ერთმანეთთან კოალიციაში არიან, - ამის შესახებ პარტია „ქართული ოცნება - დემოკრატიული საქართველოს“ თავმჯდომარემ, ირაკლი კობახიძემ განაცხადა, რითაც წალენჯიხის საკრებულოს თავმჯდომარედ პარტია „საქართველოსთვის“ წევრის არჩევას გამოეხმაურა.
ქუთაისის მერიის შპს „პარკინგსერვისის" თანამშრომელი სცემეს. შემთხვევა ცოტა ხნის წინ ვარლამიშვილის ქუჩაზე მოხდა.
მიხეილ სააკაშვილი მოიხდის სასჯელს ისე, როგორც სხვა პატიმრები, - ამის შესახებ თბილისის მერმა კახა კალაძემ ჟურნალისტებს ახალქალაქის და კუმურდოს მიტროპოლიტის, ნიკოლოზ ფაჩუაშვილის ინიციატივაზე კომენტირებისას განაცხადა. ამასთან, როგორც კალაძემ აღნიშნა, ქვეყანაში არანაირი პოლიტიკური კრიზისი არ არის და კრიზისი მხოლოდ "ნაციონალურ მოძრაობაშია".
საქართველოს კათოლიკოს-პატრიარქმა, ილია მეორემ სამების საკათედრო ტაძრიდან მოქალაქეებს ნათლისღების დღესასწაული მიულოცა. როგორც პატრიარქმა აღნიშნა, ნათლისღება იმდენად დიდი დღესასწაულია, რომ ყველა ადამიანი უნდა ეზიაროს ამ მადლს.
ახალქალაქის, კუმურდოსა და კარის მიტროპოლიტი ნიკოლოზ ფაჩუაშვილი საქართველოს ხელისუფლებას სთავაზობს, პატიმრობაში მყოფი ქვეყნის მესამე პრეზიდენტი შინაპატიმრობაში მის ეპარქიაში გადაიყვანონ.
არ შემიძლია არ გამოვეხმაურო იმ ტრაგიკულ ფაქტს, რაც კიდევ ერთხელ დაგვატყდა დევნილებს. (გაუსაძლისი მდგომარეობის გამო 52 წლის დევნილმა ზურაბ ქირიამ სიცოცხლე თვითმკვლელობით დაასრულა), - ამის შესახებ სოციალურ ქსელში მეცნიერებათა დოქტორი, დართმუსის კოლეჯის ასოცირებული მეცნიერ/თანამშრომელი, ტექნოლოგიური კომპანიის “White river technologes “ უფროსი გეოფიზიკოსი, - ირმა შამათავა წერს.
"დევნილი❗️❗️❗️ ანუ იძულებით გადაადგილებულ პირი საკუთარ სამშობლოში. სხვაგვარად წარმოუდგენელი იქნებოდა იმ სამოთხის ნებსით მიტოვება, რაც ჩვენ გვქონდა საქართველოს თვალმარგალიტად წოდებული.. იმდენად შემძრა ამ ერთი ადამიანის ტრაგედიამ სამი დღეა ხმას ვერ ვიღებ, გამიახლდა ყველა ტკივილი, წარმოვიდგინე როგორ მოფრინავდა სახურავიდან გაუბედურებული. რას ფიქრობდა , ან თუნდაც როგორ გეგმავდა ამ თავგანწირვას ის ერთი ადამიანი, სხვები (მისი სისხლი და ხორცი) რომ გადაერჩინა მოსალოდნელ ტრაგედიას. ადამიანმა, 23 წლისა ბედმა დევნილობისთვის რომ გაიმეტა და 30 წელი 16 კვადრატულ, ამორტიზირებულ, დამადლებულ, გასაცოდავებულ კუნჭულში ტრაგედიით რომ დაასრულა სიცოცხლე. ვინ იცის, რომ არა აფხაზეთის ომი, სად, როგორ ფუფუნებაში იქნებოდა იმ მიწიერ სამოთხეში?! იქნებ რა აუხდენელი ოცნებები დარჩა განსახორციელებლად სულ ერთ წამში რომ დაუსვა წერტილი!
დიახ, ზურაბმა გააზრებულად თავად დაუსვა წერტილი საკუთარ სიცოცხლეს❗️❗️❗️ მან სიცოცხლე სასიკვდილოდ განწირულ ოჯახებს ზვარაკად უბოძა!
ალბათ, რთულია გაიგო რას ნიშნავს დევნილობა, თუ ეს თავად არ გამოგიცდია. ვერც კი ითავისებს ადამიანი რას ნიშნავს გენატრებოდეს შენი კუთხე, ეზო , სკოლა, შენი ზღვის შფოთვა, რომელიც სხვას არ ჰგავს, მაგნოლიებისა და ევკალიპტების სურნელში არეული ციტრუსების მწარე გემო, კოკისპირული გაუთავებელი წვიმები გაზაფხულზე. ბობოქარი და აზვირთებული შავი ტალღები, რომლის მსგავსი არსად შემხვედრია. რთულია გენატრებოდეს იქაური კენჭიც კი...
მიმაჩნია, რომ დღეს დევნილობის სტატუსი დიდი პასუხისმგებლობაა. რა დროც არ უნდა გავიდეს, ჩვენ დავუბრუნდებით ჩვენს კუთხეს და იქ ჩვენი წილ აგურს დავდებთ მომავლისთვის.
ვაკვირდები აღშფოთებული ადამიანების სტატუსებს, რომლებიც კითხულობენ რა გახდა ასეთი გაუთავებელი ეს დევნილობა? ან რამდენ ხანს უნდა გაგრძელდეს ? ??
მინდა განგიმარტოთ, დევნილობის დასასრული ჩვენი სახლებში დაბრუნებაა მხოლოდ … დევნილობა ასე გადავა მამიდან შვილზე, შვილიშვილზე, შვილთაშვილზე და ა.შ ….ჩემთვის წარმოუდგენელია ამ ფრაზების გააზრებაც კი და აგიხსნით რატომაც…
აფხაზეთს ჭუბერის უღელტეხილით დავაღწიე თავი. დევნილობაში 5 ურთულესი წელი გავატარე… თბილისში გაჩნდა ჩემი თორნიკე, მერე იყო ემიგრაცია და მომდევნო ორი შვილი უკვე ამერიკაში დაიბადა.
დიახ, სამივენი საქართველოს მოქალაქეები არიან, მათ სამივეს დევნილობის სტატუსი აქვთ. მიუხედავად იმისა, რომ ჩემს შვილებს არ სჭირდებათ არანაირი შეღავათები სახელმწიფოსგან მათ აქვთ და ექნებათ ეს სტატუსი! სამივემ იცის, რომ დევნილობა დიდი პასუხისმგებლობაა და რა დროც არ უნდა გავიდეს , ისინი თავიანთ კუთხეს უნდა დაუბრუნდნენ. ღმერთი მომასწრებს და თუ საჭირო იქნება ჩემს შვილიშვილებსაც სწორედ ამ სტატუსს მივანიჭებ და იმავეს დავავალებ, სანამ ჩემი აფხაზეთი მის მკვიდრებს არ დაიბრუნებს…. ასე რომ ჩემო მეგობრებო, სანამ საქართველო არ გაერთიანდება მოგვიწევს დევნილების კიდევ დიდ ხანს ატანა…გავუფრთხილდეთ და მაქსიმალურად დავიცვათ მათი ინტერესები… მიყვარხართ,"- წერს ირმა შამათავა.
მდინარე იორდანესთან, მაცხოვრის ნათლობის ადგილის მიმდებარედ საქართველოს მიწის ფართობი გადაეცა, სადაც ქართული კულტურის ცენტრი აშენდება, – ამის შესახებ საქართველოს პრემიერ-მინისტრმა, ირაკლი ღარიბაშვილმა, სამების საკათედრო ტაძარში განაცხადა.
ჯანდაცვის მსოფლიო ორგანიზაციის ხელმძღვანელის, ტედროს ადანომ გებრეისუსის განცხადებით, არასწორია საუბარი იმის შესახებ, რომ „ომიკრონი“ კორონავირუსის მსუბუქი ვარიანტია და მან ვირუსის საფრთხე აღმოფხვრა.
