ექი­მი, ონკოლოგი გი­ორ­გი ღო­ღო­ბე­რი­ძე სოციალური ქსელის გამომწერებსა და მა­ყუ­რე­ბლებს ას­წავ­ლის რამდენიმე ხერხს, თუ რო­გორ უნდა დაძლიონ კო­ვი­დის დროს ან შემ­დგომ შედარ­ჩე­ნი­ლი მშრა­ლი ხვე­ლის პრობ­ლე­მა.

ემიგრაციიდან დაბრუნებულ საქართველოს მოქალაქეებს შემოსავლის წყაროს გაჩენისა და დასაქმების ხელშეწყობის მიზნით სასოფლო-სამეურნეო ტექნიკა გადაეცათ.

„ქართული ოცნება - დემოკრატიული საქართველოს" ქუთაისის მერობის კანდიდატი იოსებ ხახალეიშვილი საკრებულოს მაჟორიტარი დეპუტატობის კანდიდატ მერაბ კვიცარიძესა და პარტიის წევრებთან ერთად, საარჩევნო კამპანიის ფარგლებში, ავტოქარხნის მუნიციპალიტეტის ხარებავას ქუჩის მოსახლეობას შეხვდა.

Stopcov.ge-ზე გამოქვეყნებული ინფორმაციის თანახმად, დღევანდელი მონაცემებით, ჩატარდა 36 151 ტესტი,  გამოვლინდა ინფიცირების 2 455 ახალი შემთხვევა, გამოჯანმრთელდა 4 427  პირი, დადებითობის დღიური მაჩვენებელი არის  6.79%.

ექსპერტი გია ხუხაშვილი სოციალურ ქსელში პოსტს აქვეყნებს.

დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორის, ამირან გამყრელიძის განცხადებით, არსებობს თეორიული შანსი, რომ კორონავირუსის "მიუ" ვარიანტი მსოფლიოს მასშტაბით მასობრივად გავრცელდეს, მათ შორის საქართველოშიც.

როგორც ამირან გამყრელიძე აცხადებს, "მიუ" შტამი შესაძლოა გახდეს ახალი მუტაცია,თუმცა ჯერჯერობით, მის შესახებ ბევრი ინფორმაცია არ მოიპოვება. მისი თქმით, ამ დრომდე კორონავირუსმა ასობით მუტაცია განიცადა, თუმცა აქედან მხოლოდ რამდენიმე აღმოჩნდა ისეთი, რომელმაც მოსახლეობა დააზიანა. 

"ჩვენ მუდმივ რეჟიმში ვაწარმოებთ ქვეყანაში სხვადასხვა შტამების ცირკულაციის მონიტორინგს. მხედველობაში მაქვს ლაბორატორიული მონიტორინგი. დღესდღეობით, ქვეყანაში თითქმის 100%-ით ცირკულირებს "დელტა" შტამი, ანუ რასაც "ინდურ" შტამს ვარქმევთ. სხვა შტამი ჯერჯერობით სეკვენირების პროცესში ნანახი არ იქნა. თუმცა, რა თქმა უნდა, თეორიულად შესაძლებელია მოგეხსენებათ, კორონავირუსი თითქმის 2 წლის განმავლობაში ძალიან მრავალ მუტაციას განიცდის. ასობით მუტაცია იქნა გამოვლენილი, მაგრამ მათ შორის, საზოგადოებრივი ჯანდაცვითი მნიშვნელობა, ანუ რომელიც ან სხვანაირად აზიანებს, ან სხვა უფრო მეტი აგრესიულობით ხასიათდება, ასეთი აღმოჩენილია სულ რამდენიმე. ეს "მიუ" შტამი შეიძლება გახდეს ახალი მუტაცია, მარგამ ჯერჯერობით, მის შესახებ არ არის ბევრი ინფორმაცია, რომ მან მიიღო რომელიმე ქვეყანაში საზოგადოებრივი ჯანდაცვითი მნიშვნელობა, ანუ დააზიანა დიდი რაოდენობით მოსახლეობა, ხასიათდება უფრო მეტი აგრესიულობით და ა.შ. სანამ ეს ინფორმაციები არ არის კარგად შესაწვლილი, მანამდე ვფიქრობთ, რომ მხოლოდ ნაადრევია ჯერჯერობით ამაზე საუბარი. რა თქმა უნდა, თეორიული შანსია რის, რომ ყველგან გაჩნდეს," - აცხადებს ამირან გამყრელიძე.

მისივე თქმით, "მიუ" შტამთან დაკავშირებით ენტონი ფაუჩის პროგნოზები საყურადღებოა. როგორც გამყრელიძემ აღნიშნა, ახალი შტამი მუდმივ მონიტორინგს საჭიროებს და ლუგარის ლაბორატორიას ამის შესაძლებლობა აქვს.

"ფაუჩი გახლავთ ძალიან მაღალი რანგის მეცნიერი, ძალიან დიდი და ყველაზე წამყვანი ინსტიტუტის დირექტორი, უზარმაზარი გამოცდილებით და რა თქმა უნდა, უნდა ვენდოთ ფაუჩის პროგნოზირებას, რომ შესაძლებელია ამ შტამმაც მიიღოს საზოგადოებრივი ჯანდაცვითი დატვირთვა და მნიშვნელობა. ამიტომ, მუდმივი მონიტორინგია საჭირო და ამის შესაძლებლობა ამ ეტაპზე აქვს ლუგარის ლაბორატორიას,“ - აცხადებს ამირან გამყრელიძე. 

პროფესორი, საზოგადოებრივი ჯანდაცვის ექსპერტი გიორგი ფხაკაძე საქართველოში მე-5 ტალღის დაწყების შესახებ პროგნოზს აკეთებს.