თამარ ბაჩალიაშვილის ოჯახის წევრები მთავარ პროკურორთან, ირაკლი შოთაძესთან, ბაჩალიაშვილის საქმის სამუშაო ჯგუფთან შეხვედრას კიდევ ერთხელ ითხოვს.

ფსიქოლოგი ნათია ფანჯიკიძე სოციალურ ქსელში არჩევნებთან დაკავშირებით პოსტს აქვეყნებს. მას ამომრჩევლისთვის შეთავაზება აქვს, რომლის თანახმადაც, ოჯახის სხვადასხვა წევრმა, სხვადასხვა კანდიდატს უნდა მისცეს ხმა იმისთვის, რომ მაქსიმალურად ჭრელი პარლამენტი მივიღოთ.

"პაციენტს აქვს უფლება შეწყვიტოს მკურნალობა, მიუხედავად იმისა, მას ეს სჭირდება თუ არა"- ამის შესახებ პირველი საუნივერსიტეტო კლინიკის დირექტორმა დღეს გავრცელებულ ინფორმაციასთან დაკავშირებით განაცხადა.

“აპირებს თუ არა ოპოზიცია არჩევნების შემდეგ ქვეყანაში რევოლუციური სცენარის განვითარებას? - ხელისუფლება ამტკიცებს, რომ ოპოზიცია რადიკალური ნაბიჯებისთვის ემზადება. "ქართული ოცნების" აღმასრულებელი მდივანის, ირაკლი კობახიძის განცხადებით, "რადიკალური ოპოზიცია" შეიარაღებული ამბოხების სცენარს განიხილავს და იკვლევს რა რეაქცია ექნება ამაზე ხალხს. ამ თემაზე მან სპეციალურ ბრიფინგზე ისუაბრა და მაგალითად კომპანია "აიპიემის" დაკვეთით ჩატარებული კვლევა მოიყვანა”, - წერს გაზეთი "რეზონანსი“ სტატიაში სათაურით, ხელისუფლება "კრიმინალურ ოპოზიციას" რევოლუციური სცენარისთვის მზადებაში ადანაშაულებს / “რადიკალური ოპოზიცია შეიარაღებული ამბოხების სცენარს განიხილავს” - ირაკლი კობახიძე.

რა არის საპარლამენტო არჩევნების შედეგებში ის ე.წ. წითელი ხაზი, რა დროსაც ოპოზიცია საპროტესტო აქციებს დაიწყებს? ამ თემაზე საუბრისას ანალიტიკოსებს "რეზონანსთან" განსხვავებული მოსაზრებები აქვთ. კონფლიქტოლოგი პაატა ზაქარეიშვილი „რეზონანსთან" საუბარში აღნიშნავს, რომ ოპოზიცია ქუჩაში ნებისმიერ შემთხვევაში გამოვა, თუმცა, მისი აზრით აქ საკითხი ხალხის გადაწყვეტილებაზეა დამოკიდებული”, - წერს გაზეთი "რეზონანსი“ სტატიაში სათაურით, რა შემთხვევაში იქნება არჩევნების შემდგომი პროტესტი - სად გადის “წითელი ხაზები” / „ოპოზიცია ნებისმიერ შემთხვევაში გამოვა, მთავარია ხალხი გამოჰყვება თუ არა”