"გიორგი შაქარაშვილის საქმეზე ექსპერტიზის დასკვნის შემდეგ გამოჩნდება, საით უნდა წავიდეს გამოძიება", - ამის შესახებ შინაგან საქმეთა მინისტრმა, ვახტანგ გომელაურმა საკოორდინაციო საბჭოს სხდომის შემდეგ გამართულ ბრიფინგზე განაცხადა.
„ძალიან მძიმე შემთხვევაა და პირველ რიგში, მინდა მივუსამძიმრო ოჯახის წევრებს, ახლობლებს, მეგობრებს. ყველა ჩვენგანისთვის ძალიან მძიმე იყო. ამ გამოძიების ირგვლივ მე ბევრს ვერ ვისაუბრებ, იქიდან გამომდინარე, რომ ჯერ ექსპერტიზის დასკვნაც კი არ არის მოსული. ჩართული ვართ, რა თქმა უნდა, შინაგან საქმეთა სამინისტრო, პროკურატურა, ყველა საგამოძიებო უწყება და ველოდებით დასკვნას. დასკვნის შემდეგ უკვე გამოჩნდება, თუ საით უნდა წავიდეს გამოძიება. დღეს, რის საშუალებასაც ფაქტები გვაძლევს, ამ მიმართულებით წავედით და ისევ და ისევ, ყველა, როგორც დაკავებულების ადვოკატები, ასევე, დაზარალებული ოჯახის ადვოკატი, ველოდებით სამხარაულის ექსპერტიზის დასკვნას. მეტს ვერ ვისაუბრებ ამ თემიდან გამომდინარე. მაქსიმალურად გახსნილი ვართ ყველა მიმართულებით, აქედან გამომდინარე, თუ რამე ბრალდება აქვთ, მათ შეუძლიათ, გვითხრან პირდაპირ. მაქსიმალურად ვმუშაობთ ყველასთან“, - განაცხადა ვახტანგ გომელაურმა.
ეკონომიკისა და მდგრადი განვითარების მინისტრის ნათია თურნავას განცხადებით, სავარაუდოდ, ორშაბათიდან, 6 ივლისიდან დაშვებული იქნება ისეთი საქმიანობები, როგორიცაა, საგამოფენო საქმიანობა, ტრენინგები და კონფერენციები. როგორც მან დღევანდელ ბრიფინგზე განაცხადა, საქმიანობების განახლება შესაბამისი წესების დაცვით მოხდება.
შინაგან საქმეთა მინისტრ ვახტანგ გომელაურის განცხადებით, საქართველოს საზღვრები ყველა მიმართულებით დაკეტილია.
ჩინეთში მეცნიერებმა აღმოაჩინეს ახალი ტიპის ვირუსი, რომელსაც პანდემიის განვითარების პოტენციალი აქვს. ამის შესახებ ინფორმაციას BBC-ი ავრცელებს.
რუსული გაზეთის „ნეზავისიმაია გაზეტას“ («Независимая газета») დღევანდელ, 30 ივნისის ნომერში გამოქვეყნებული ანტონ ხოდასევიჩის მოწინავე სტატია რუსეთ-ბელარუსის ურთიერთობას ეხება და მასში მოახლოებული საპრეზიდენტო არჩევნების ფონზე, ქვეყნის ამჟამინდელი ლიდერის - პრეზიდენტ ალექსანდრე ლუკაშენკოს („ბატკას“) თვალსაზრისია გადმოცემული.
რუსული გაზეთის „იზვესტიის“ («Известия») დღევანდელ, 30 ივნისის ნომერში გამოქვეყნებულია სტატია სათაურით «Бук»-ბი“ ზეცას უყურებენ: სამხრეთის სამხედრო ოლქი საზენიტო „რობოტებით“ ძლიერდება“, რომელშიც საუბარია რუსეთის სამხრეთ ნაწილში - კრასნოდარის მხარეში დისლოცირებული რუსეთის შეიარაღებული ძალების ქვედანაყოფების აღჭურვაზე ახალი საზენიტო კომპლექსებით.
პოლონეთის ინგლისურენოვან ჟურნალ „ნიუ ისთერნ იუროუფ“-მა («New Eastern Europe») 29 ივნისს გამოაქვეყნა სტატია სათაურით„საქართველო: ევროპასთან დაახლოება თუ უბრალოდ, ავტორიტარიზმთან დაშორება?“, რომელშიც საუბარია საქართველოს საკონსტიტუციო შესწორებაზე, გამოხატული ქვეყნის საარჩევნო სისტემის ცვლილებაში (ავტორი - კრასენ სტანჩევი, სოფიის უნივერსიტეტის პროფესორი).
ვანის ახალი არქეოლოგიური მუზეუმის მშენებლობა დასრულდა, ექსპოზიციის ინსტალაცია კი ბოლო ეტაპზეა.
მივესალმები საქართველოს პარლამენტის 29 ივნისის გადაწყვეტილებას, რისი შედეგიც იქნება პოლიტიკური სპექტრის უფრო ფართო წარმომადგენლობა შემდეგი მოწვევის პარლამენტში , - ამის შესახებ საქართველოს ყოფილი პრემიერ-მინისტრი გიორგი კვირიკაშვილი სოციალურ ქსელში წერს.
დღეს ეპიდსიტუაცია კონტროლს ექვემდებარება. თუ ეს სიტუაცია ჩვენ შევინარჩუნეთ არჩევნების ჩატარებას არავითარი საფრთხე არ ემუქრება , - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ჟურნალისტებს განუცხადა.
