ისრაელის ხელისუფლება მოქალაქეებისთვის იარაღის ტარების რეგულაციებს ამარტივებს მას შემდეგ, რაც ბოლო დღეების განმავლობაში ქვეყანაში შეიარაღებული თავდასხმები გახშირდა. მინისტრთა კაბინეტში მიაჩნიათ, რომ რიგითი მოქალაქეები იარაღის ტარების შემთხვევაში თავდაცვას დამოუკიდებლადაც შეძლებენ.
ჩეხეთს ახალი პრეზიდენტი ჰყავს. არჩევნების მეორე ტურის შედეგად, გამარჯვება ხმათა 57.6%-ით ყოფილმა გენერალმა, პეტრ პაველმა მოიპოვა.
ირანში სამხედრო ინფრასტრუქტურის ობიექტებზე სარაკეტო იერიშები განხორციელდა. შედეგად, გავრცელებული ცნობით, განადგურდა ისპაანში მდებარე დრონებისა და საბრძოლო მასალების მწარმოებელი სამხედრო ქარხანა. ძლიერი ხანძარი გაჩნდა, ქალაქ შაჰიდ-სალიმში მდებარე ძრავის ზეთების მწარმოებელ ქარხანაში.
ილჰამ ალიევმა თეირანში აზერბაიჯანის საელჩოზე თავდასხმა დაგმო და მომხდარის სწრაფი გამოძიება მოითხოვა.
“დასავლეთი გადამწყვეტ ნაბიჯს დგამს და უკრაინას მათთვის სტრატეგიულად მნიშვნელოვან საბრძოლო ტანკებს უგზავნის.
შვედეთისა და ფინეთის ნატოში სწრაფი გაწევრიანების იმედები ჩაიშალა თურქეთის წინააღმდეგობით, რომელსაც სამხედრო ალიანსში შესვლაზე ვეტოს დადების უფლება აქვს.